ad prabhu

इजरायलया राजदूत डा. अञ्जान शाक्ययात उत्कृष्ट राजदूत अवार्ड

नेवा: अनलाइन न्युज – ललेन्द्र शाक्य | २०७७ जेठ १०, शनिबार २३:१२:४८

इजरायलया नितिं नेपाःया राजदूत डा. अञ्जान शाक्ययात ‘एम्बेस्डर अफ इयर–२०१९’ सम्मानपाखें सम्मानित याइगु जूगु दु ।

एम्बेस्डर क्लब अफ इजरायलं नेपाःया राजदूत डा. शाक्ययात उत्कृष्ट राजदूतया रुपं उगु सम्मान लःल्हायेगु निर्णय याःगु खः । सम्मान इजरायलया स्वतन्त्रता दिवसया लसताय् लाकाः लःल्हायेगु जानकारी ब्यूगु दु ।

‘एम्बेस्डर क्लब अफ इजरायल’या निर्देशक समितिं इजरायलय् च्वंगु ९० कूटनीतिक नियोगपाखें डा. शाक्ययात ल्यःगु जानकारी ब्यूगु दु । समितिं नेपाः व इजरायल सम्बन्ध थप प्रगाढ यायेगु ज्याय् योगदान याःगुलिं डा. शाक्यया पक्षय् मत जाहेर यानागु न्ह्यथंगु दु ।

मेमेगु स्वंगू ब्यागलं विधाय् नं थीथी कूटनीतिज्ञपिन्त सम्मान याइगु जूगु दु । उगु लसताय् कूटनीतिक नियोगया प्रमुख, इजरायली अधिकारीपिं, राजदूत क्लबया दुजःपिं व मिडियाया प्रतिनिधिपिनिगु उपस्थिति दूगु खः । उगु अवार्डपाखें सम्मानित जुयादीम्ह डा. अञ्जान शाक्य एसियाया हे न्हापांम्ह राजदूत जुइत ताःलाःगु दु ।

Categorized in अन्तर्राष्ट्रिय