city axpris 2

आराध्यालक्ष्मी खड्गीया हाकनं मेगु म्युजिक भिडियो पिदन (म्यूजिक भिडियो)

नेवा: अनलाइन न्युज – विजयरत्न | २०७९ पौष २०, बुधबार ११:२६:३६

नेवाः संगीत व संकिपा ख्यलय् छम्ह कलाकार, छम्ह हुला प्याखंकःमिया रुपय् पलाः क्वातुके धुंकुम्ह आराध्यालक्ष्मी खड्गीया हाकनं न्हूगु नेपालभाषाया म्युजिक भिडियो “ हाय रत्न जिगु मन ” पिदंगु दु ।  

हाइलाइट्स नेवार यूट्युब च्यानलपाखें सार्वजनिक जूगु थ्व म्येया म्येच्वमि विनोद हृदय शाक्य खःसा लय् चिनामि सुरेन मान शाक्य खः । अथेहे, थुगु म्ये ज्वःम्ये खःसा थुकी सुमन मानन्धर  व लय् चिनामि सुरेन मान शाक्यं सः बियादीगु दु ।

थ्व म्येया म्युजिक भिडियो दुने मिसा मिजं दथुया मतिनायात यइपुसे न्ह्यइपुसेच्वंक न्ह्यब्वयातःगु दु । थ्व म्युजिक भिडियोया निर्देशन व  कोरियोग्राफी आराध्या लक्ष्मी खड्गीं यानादीगु दुसा  मू भूमिकाय् नं नकिंया रुपय् आराध्यालक्ष्मी खड्गीं हे म्हितातःगु दु ।

थुके आराध्यालक्ष्मीलिसे नेवाः म्युजिक भिडियो ख्यःया लोकंह्वाःम्ह मोडल सुरज नापितया अभिनय दुथ्यानाच्वंगु दु । आराध्यालक्ष्मी व सुरजया नापनापं जेसिका श्रेष्ठ, अनुषा मानन्धर, उजेंन मानन्धर, संघ्या श्रेष्ठ, रेहाना मानन्धर, समृद्धि श्रेष्ठ, सक्षम् मानन्धर, जयसोन श्रेष्ठ व जस्मी श्रेष्ठं नं थ्व  म्युजिक भिडियो दुने अभिनय यानातःगु दु ।  म्येच्वमि बिनोद मानन्धरया  प्रोडक्सन मेनेजमेन्टय् तयार जूगु थ्व म्युजिक भिडियोया  किपालुमि व छ्याय्फ्वायकःमि सोहन मानन्धर खः ।

(थन क्लीक यानाः आराध्यालक्ष्मीया म्यूजिक भिडियो स्वयादिसँ)

Categorized in कला