Header Nepal rastra bank Adv

आपूर्तिमन्त्री दिलेन्द्रप्रसाद बडुं धाल, ‘पेट्रोलियम पदार्थया मूल्यवृद्धि बाध्यता’

नेवा: अनलाइन न्युज – ललेन्द्र शाक्य | २०७९ आषाढ ७, मंगलबार १४:४८:१४

उद्योग वाणिज्य व आपूर्तिमन्त्री दिलेन्द्रप्रसाद बडुं पेट्रोलियम पदार्थया मूल्यवृद्धि बाध्यता जूगु धाःगु दु ।

प्रतिनिधिसभाया थौं मंगलवाःया बैठकय् लिसः बिइगु झ्वलय् मन्त्री वडुं मूल्यवृद्धि बाध्यता जूगु धाःगु खः ।

आयल निगम जेठ मसान्ततक ५० अर्ब घाटा जूगु व भारतीय आयल निगमयात २२ अर्ब बक्यौता दूगु धासें मू समायोजन यायेमाःगु धाःगु दु ।

अन्तर्राष्ट्रिय बजारय् मू क्वाहाँ वःबलय् क्वकायेगु व थाहाँ वनीबलय् थकायेगु याःगु व उकिया जानकारी आयल निगमया वेबसाइटय् सार्वजनिक यायेगु यानाच्वंगु नं मन्त्री बडुं धाःगु दु ।

मन्त्री बडुं मूल्यवृद्धि व पेट्रोलियम पदार्थ विक्री वितरणय् नीति व कानून कथं हे जूगु नं धाःगु दु ।

Categorized in राजनीति