नेवा: अनलाइन न्युज – ललेन्द्र शाक्य | २०८० भाद्र ३१, आइतबार १३:४३:४१

बागग्मती प्रदेशया पर्यटन सहकारी नापं उद्योगमन्त्री पुकार महर्जनं नेवाः व तामाङतय्गु भाषा आन्दोलनया उपलब्धी कथं हे प्रदेशपाखें भाषा ऐन हयेत्यंगु खँ धकाः धयादीगु दु ।

शनिवाः किपुलिइ जूगु सहलह मुँज्याय् मन्त्री महर्जनं अथे धयादीगु खः ।

वय्कलं नेवाः व तामाङतय्गु आन्दोलनया बागगमती प्रदेश सरकारपाखें नेवाः भाय् व तामाङ भाय्यात बागमती प्रदेशय् सरकारी कामकाजी भाषाया रुपय् लागू यायेगु नितिं ऐन हयेगु अन्तिम चरणय थ्यंगु खँ धकाः धयादीगु दु ।

नेवाः देय् दबू स्वनिगः विशेष प्रदेशया संयोजनय् जूगु उगु सहलह मुँज्याय् भाषा आयोगया दुजः नापं भाषा बैज्ञानिक अमृत योञ्जन, भाषा वैज्ञानिक प्रा. डा. ओमकारेश्वर श्रेष्ठपिन्सं नं भाषा ऐनया महत्वयात कया खँ तयादीगु खः ।

आः वागमती प्रदेशं हयेत्यंगु राष्ट्रभाषा ऐनय् दुगु खँयात नेवाः देय् दबू स्वनिगः विशेष प्रदेशया नायो श्रीकृष्ण महर्जनं न्ह्यब्वयादीगु खः ।

अन भाषा ख्यःयापिं नापं थीथी ब्यक्तित्वपिनिगु सहभागी दुगु खःसा सहलहया झ्वलय् वःगु सुभावयात कया मन्त्री महर्जनं लिसः बियादीगु खः ।

आः याकनं हे नेवाः देय् दबू स्वनिगः विशेष प्रदेशपाखें बागमती प्रदेशया राजधानी हेटौडाय् हे वना प्रदेश सांसदतलिसे उगु ऐनया बारे सहलह ब्याकेगु जुइ धकाः धाःगु दु ।

Categorized in नेवाः