2565 buddha Jayanti ADV

आनन्दकुटी बिहारय् अनधिकृत रुपं तयातःगु शिलापत्र चिइकल

नेवा: अनलाइन न्युज – ललेन्द्र शाक्य | २०७८ जेठ २६, बुधबार १४:४२:०७

येँ महानगरपालिका १५ वडाय् लाःगु बिश्व सम्पदास्थल आनन्दकुटी  बिहारय् अनधिकृत रुपं धर्मया नामय् जग्गा कब्जा यानाः कायेतु कुतः स्थनियवासित जानाः असफल यानाब्यूगु दु । 

आनन्दकुटी  बिहारयया मू लुखां भचाः च्वय् दक्षिण पाखें ( स्वयम्भु द्यःया उत्तर ) लागाय् १०२ दँ न्ह्यः निसें थःपिन्सं निदँय् छकः बिन्ध्यबासिनी द्यःया कूलपूजा याना वयाच्नाःगु थाय् धकाः थ्यमथ्य प्यगू फिट हाँकः व निगू फिट ब्याःया शिलापत्र तयाः तःगु लुगु खः ।

 

थथे तयाः थकुगु शिलापत्रय् थःपिं काश्यप गोत्री अधिकारीथर गौरनिाथ छबिलाल व खादशानन्द उपाध्यायया बंशजया मंकाः मुज्यां १०२ दँ न्ह्यः निदँ छकः मार्ग शुल्क पुन्हिंया न्हिं पूजा यायेगु थाय् कथं न्हयथनातःगु दु ।

उगु शीलापत्र छुं न्हिं न्ह्यः जक थथे बिहारया खुल्ला लागो थथे शीलालेख तयाः कालान्तरय् वनाः स्वयम्भुया म्हसिका हुयाः थाय् कब्जा यायेगु कथंया ज्या जुगु खनेवं थों मंगलवाः हिनय् नेवाः आन्दोलनया अभियन्तातय्गु नेतृत्वय् स्थानिय्बासिया सक्रियाता थथे तयातःगु शिलापत्र अन चिइका छ्वःगु दु ।

उगु शिलापत्र वंगु बैशाख ११ गते तःगु अनुमान याःगु दु । शिलापत्रय् तिथि २०७८ साल ११ गते धकाः च्वयातःगु खः ।

स्थानियबासितय्सं थ्व निषेधज्ञा इलय् धार्मिक सदभाव सुनां नं स्यकेत मस्वयेमाः धकाः थथे अनधिकृत शिलापत्र तयाःवपिनिगु नां सार्वजनिक धाःसा तत्काल मयायेगु खँ धाःगु दु ।

 

 

 

Categorized in स्थानिय-समाज