swastha 3

आदर्श समाज निर्माण यायेत प्रदेश प्रहरीयात माःगु ग्वाहालि याये : –प्रदेश मन्त्री डा. शाक्य

नेवा: अनलाइन न्युज – ललेन्द्र शाक्य | २०७८ भाद्र २९, मंगलबार १०:२६:२०

बागमती प्रदेश प्रहरी ज्याकुथि हेटौंडाय् २०७८ तकया आपराधिक बस्तुस्थिति प्रतिवेदन न्ह्यगुब्वःगु दु । बागमती प्रदेश प्रहरी प्रमुख प्रहरी नायब महानिरीक्षक डिआइजी प्रकाशजगं कार्कीया नेतृत्वय् बागमती प्रदेशया एसपी नवराज अधिकारी व मेम्ह एसपी ईश्वर थापां बागमती प्रदेशया आन्तरिक मामिला तथा कानून मन्त्री डा. अजयक्रान्ति शाक्ययात उगु प्रतिवेदन लःल्हागु खः।

प्रतिवेदन लःल्हाना कयादी धुंकाः सम्बोधन यासें मन्त्री डा. शाक्यं भौतिक संरचनां सुसज्जित जुइवं जक अपराध म्हो जुइ मखु धकाः धयादिल । मनूतय्गु अपराध वयागु मानसिकता, व्यवहार व वातावरणय् भरपरे जुइगुलिं मानसिक रुपं हे चेतनशील, विवेकशील, करुणा व मैत्री भावनां जालकि जक नागरिक बांलाःपिं जुयावइ धकाः मन्त्री डा. शाक्यं धयादिल । 

मन्त्री डा. शाक्यं आन्तरिक मामिला मन्त्रालयं वइगु दिनय् बजेट निर्माण यायेबलय् प्रदेश प्रहरीनाप नं समन्वय यायेगु प्रतिबद्धता प्वंकादिसें अपराध न्यूनीकरण यायेत व आदर्श समाज निर्माण यायेगु सन्दर्भय् प्रदेश प्रहरीयात माःगु ग्वाहाल यायेगु जुइ धकाः धयादीगु दु ।

Categorized in राजनीति