prabhu baink new

आः नं लाः नि शासकत

सानुराजा शाक्य
छे“ दुनेया ल्वापु छे“ दुने हे मज्यंकल धाःसा उकिइ जःलाखःलां म्हिती धइगु चरितार्थ हानं प्रमाणित जुल । थःगु हे देस दुनेया मधेसी व थारु सःयात उपेक्षा यानाः स्वंगू दलया मठाधीस नेतातसें गुकथं संविधान हयाः धकाः माकः फुई यानाः च्वन उकिया लिच्वः गुलि भयानक जुइ धइगुया ट्रेलर शुरु जूगु दु । मक्काय् भूतयात अप्पां कयेकः वंपिं मुस्मा धर्मालम्वीत ब्वा“य् वंबलय् जूगु हताहतय् दुःखः प्वंकीम्ह नेपाःया प्रधानमन्त्री नं संविधान जारी यायेगु इलय् थःपिनिगु सः नं संविधानय् दुथ्याकाः बिउ धकाः शान्तिपूर्ण आन्दोलन मार्पmत सः तःपिं मधेसी जनतायात गोलीं कयेकाः स्वंगू दर्जनं मल्याक थःगु हे जनताया ज्यान वन नं समवेदना तकं जारी यायेम्वाःम्ह प्रधानमन्त्री व नेतात दुगु देस नेपाः खः । थःगु छे“ दुनेया ल्वापुयात मज्यंकुसे जारी यागु संविधानयात भारतं लसकुस मयाःगुजक मखुकि संयुक्त राष्ट्र संघं तकं नं लसकुस याःगु मदु । नेपाःया नितिं फुक्क देसं लसकुस यात तर भारत व संयुक्त राष्ट्र संघं लसकुस मयातले थ्व मेमेगु देसं याःगु लसकुसया खास हे सार्थकता दइमखु । भारत व संयुक्त राष्ट्र संघं समर्थन मयाःगु थ्व संविधानया हविगत जुजु वीरेन्दं्र शान्ति क्षेत्र नेपाल धाःगु प्रस्ताव थें जू वन । जुजु वीरेन्द्रं नेपालयात शान्ति क्षेत्र धकाः तःगुप्रस्तावयात भारत बाहेक फुक्क धइथें देसं समर्थन याःसां नेपाः शान्ति क्षेत्र मजू । अखतं शान्तिक्ष्ँेत्र नेपालय् हे छयालीस सालया जनआन्दोलन जुयाः जुजु वीरेन्द्रया सरकारं हे आन्दोलनय् ब्वःति कयाच्वंपिं नेपाःमितय्त गोलीं कयेका स्यात । सठचालिसया राजनीतिक परिवर्तन धुंकाः जुजु वीरेन्द्रया शान्ति क्षेत्र नेपाल गन तना वन गन तनावन । स्वंगू दलं हःगु थ्व
संविधानयात मधेसी, थारु, मगःतसें आन्दोलन यानाः हे असहमति प्वंकल । मेमेगु आदिवासी जनजातितसें नं छिटपुट आन्दोलन मार्पmत थ्व संविधानप्रति अपनत्व काये मफइगु धारणा प्वंकेधुंकाः नेपाःया तःधंगु हिस्सां थ्व संविधान प्रति असहमति क्यनाच्वंगु सन्दर्भयात छिमेकी देय् भारतंसंविधान फुक्क समुदायया सहमति दइगु कथं जारी याः धइगु स्वंगू दलया नेतातय्त बिउगु सुझावयात वेवास्ता यानाः संविधान जारी जुइवं उज्वःगु संविधानप्रति भारतं लसकुस
मयाः धकाः भारतयात ब्वः बियाया छु अर्थ दत ? थुकथं संविधान जारी जुइधुंकाः भारतयात म्हितेगु मैदान दयेकाः बिउपिं थ्व हे स्वंगू दलया मठाधिस नेतात हे जूसेंलि उकिया लिच्वःया सामना याये मखु धयां जिइ ला ? पंचायतया समर्थन याकेत जुजु महेन्द्रं भारतनाप सन् १९६५ या सन्धी याःगु ल्वमंके मजिउ । उम्ह जुजुयात हे नेपाःया राष्ट्रवादी जुजु धकाः कठित राष्ट्रवादीतसें थःगु हिरो धकाः काइपिं अझं ल्यं दनी । वर्तमान स्वंगू दलया नेतातसें भारतया हे सहयोग कयाः बाह्रबु“दे सहमति याः बलय् उमिगु नितिं भारत दकलय् सत्तिम्ह मित्र जुल । थौं व हे भारतं नेपाःया तःधंगु समुदाययात बहिष्कार यानाः संविधान जारी यात धाःसा नेपाःया नितिंसुखद् जुइमखु धकाः बिउगु सुझावयात हस्तक्षेप तायेका उगु सुझावयात चुनौति बियाः संविधान हसेंलिं लिच्वः सुखद जुइ धकाः कल्पना यायेगु बेकार हे खः । भारतया प्रत्यक्ष सहयोगं तत्कालिन अवस्थाय् सशस्त्र जनयुद्ध यानाच्वंगु माओवादी व कांग्रेस एमालेया दथुइ गुगु सहमति जुल व सहमति जायज खनीपिसं थौं मधेस व थारु आन्दोलनया झ्वलय् मधेसी थारुत नापनापं आन्दोलनय् सहकार्य यायेत्यंगु भारतया डिजाइन कथं धइगु क्यना छथ्व नेपाःया संस्थापन शासक पक्षत मधेसीव थारुत न्≈याबलेंमिलेमजूसे च्वनेमाःगु तर्क न्≈यब्वयाच्वंपिं नं । थुकथं मधेसी व थारुत मिलेमजुलधाःसासंस्थापनशासकतय् सत्ता भचा अप्वः ताहाक न्≈याइगु रणनीति अन्तर्गत मधेसी व थारुत नापं जानाः आन्दोलनयात अझ अप्वः उत्र्कषय् यंकेत्यंगुयात स्यंकेत भारत दुथ्याःगु हल्ला यानाः छखे मधेसी व थारुतय्त भारतया पक्षधर कथं क्यनाः मधेसी व थारुतय्त छथाय् मतयेगु अले मधेसी व थारु धइपिं राष्ट्रवादी मखु कथं प्रस्तुत यायेगु चाल म्हितेत्यंगु खः । थुकथं चाल म्हितीपिं धइपिं महेन्द्रवादी व भारतया विरोधी क्यनाः थःगु पक्षय् जनमत सालेत सफल जूपिं नेपाःया कम्युनिष्टत खः । तर थ्व हे कम्युनिष्टत सत्ताय् वनेधुंकाः गुकथं भारतया गुलाम जुल धइगु इतिहास पुलां जूगु मदुनि ।  पैतालिस छयालिस सालय् भारतं नेपालय् जूगु नाकाबन्दी अन्ततः कांग्रेस व कम्युनिष्टतय्त छप्पं यानाः पंचायत व
वीरेन्द्रयात क्वछुके धुंकाः तिनि नाकाबन्दी फुकुवा जुल । उबले नाकाबन्दी जूबले नाकाबन्दीयात कयाः कांग्रेस व कम्युनिष्ट पार्टीं भारतया विरोध मयाः अखतं थ्व नाकाबन्दीयात हतियार दयेका पंचायत क्वथलेत छ्यल । थौं अवस्था करीव करीव उज्वःगु कथं हे खनेदुगु दु । कांग्रेस कम्युनिष्टया नितिं जूगु पंचायतकालीन नाकाबन्दी थौं मधेसी व थारु समुदाय नं थ्वयेकूगु सःयात गोलीं जवाफ बियाः जनहत्या यायेवं ब्वलंगु परिस्थिति गुकथं तराई अशान्त जुल उकिया कारणं भारतं शान्तिसुरक्षायात न्यंथना मालवाहक गाडीत नेपाःपाखे छ्वया हयेगु ज्याय् कडा यात गुकिं यानाः छगू कथं नाकाबन्दीया हे लू खनेदुगु खः ।नेपाःया नितिं परिस्थिति संकटपूर्ण अवस्थाय् वनाच्वंगु दु । थ्व संकटयात ज्यंकेगु नितिं शासकतसें रुचिपूर्वक पहल मयात धाःसा मित्र शक्ति राष्ट्र तकं दुथ्याये धुंकूगु थ्व समस्याया कारणं नेपाःया अखण्डतायात हँथ्या ब्वलनीगु संकट याकनं वइ । थ्व अवस्थाय् भारतयात ब्वःबियाः समस्या समाधान जुइगु जूसा नेपाःया हविगत थ्व अवस्थाय् थ्यनी मखु जुइ ।
भारतं धोका बिल धकाः चीनं सहयोग याइ धकाः भारत तम्वःसां तम्वयेके बिउ धकाः च्वन धाःसा स्थिति अझ अप्वः विष्फोट जुइ । नेपाःया नितिं माःगु सामानया आपूर्ति चीनं हयाः समस्या समाधान जुइगु भौगोलिक अवस्थाय् नेपाः मदु । उखें थुखें ब्वाय् ब्बाय् वनः लुफि हायेका भारतया बार्गेनिङ्ग पावर अप्वय न्यः आन्दोलनरत थः हे जनतानाप क्वछुइत तयार जुइपिं शासकत जक सफल जूगु इतिहास दु । मधेसी व थारुतय् आन्दोलनया समाधान मयासे खोक्रो राष्ट्रवादया वकालत यानाः भारतनाप टक्कर कयां थ्व समस्याया समाधान जुइगु स्वयां नेपाः व नेपाःमि जनतांदँ दँ तक दलदलय् लाइगु समाधान बुद्धिमत्तापूर्ण जुइमखु ।