zero media family planning adv

आः कांग्रेसया नेतृत्वय् सरकार दयेकी, जिमिसं समर्थन लितकाये : वर्षमान पुन

नेवा: अनलाइन न्युज – ललेन्द्र शाक्य | २०७७ चैत्र २२, आइतबार १४:२०:१८

नेकपा माओवादी केन्द्रया स्थायी कमिटी दुजः वर्षमान पुनं आः याकनं हे वैकल्पिक सरकार निर्माण जुइगु विश्वास प्वंकूगु दु । पार्टीं सरकारयात ब्यूगु समर्थन थौं कन्हय् दुने हे लितकाइगु नं पुनं जानकारी ब्यूगु दु ।
पुनं प्रधानमन्त्री केपी शर्मा ओलीयाके यदि राजनैतिक नैतिकता दूगु जूसा थुगु ईतक राजीनामा वइगु खः धकाः नं धाःगु दु । तर, प्रधानमन्त्रीयाके नैतिकता मदूगुलिं ओलीं राजीनामा मब्यूगु पुनं टिप्पणी याःगु दु । लोकतन्त्रय् शासन यायेगु धैगु थःयाके स्पष्ट बहुमत दयेमाःगु पुनया तर्क खः ।
पुनं प्रधानमन्त्री ओलीयाके आः जनमत नं मदूगु दाबी याःगु दु । प्रमुख प्रतिपक्षी दल नेपाली कांग्रेसं नं वर्तमान सरकारया विकल्प मालेगु व उकिया नितिं अग्रसर कायेगु धकाः निर्णय याःगु खँ न्ह्यथंगु दुसा नेता पुनं थःपिनिगु पार्टीं नं समर्थन लिककायेगु खँया जानकारी ब्यूगु दु ।
पुनं प्रधानमन्त्री ओलीं छु न्वःवाइगु खः व मयाइगु व छु याइगु खः व गुबलें न्वःमवाइगु याइगु नं लुमंकूगु दु । पुनं धाःगु दु, ओलीया विरुद्धय् बहुमत खात धाःसा हाकनं संसद विघटन यायेगु ओलीया तयारी दु । ओलीं जुजुं एमालेयात नं मिलेयाये मफुत । देसयात निकास बिइ धकाः राजीनामा बिइ धकाः खँ ल्हाःगु मखुला ?

Categorized in राजनीति