Mohanai 2078 KTM

असोज १० निसें बसया टिकट बुकिङ चालीगु

नेवा: अनलाइन न्युज – ललेन्द्र शाक्य | २०७८ आश्विन १, शुक्रबार २०:०८:०१

मोहनी नखःया इलय् स्वनिगः त्वःताः थःगु छेँय् वनीपिनिगु नितिं अग्रिम टिकट बुकिङ चायेकेगु निर्णय याःगु दु । असोज १० गतेनिसें टिकट बुकिङ चालीगु निर्णय याःगु खः ।

यातायात ब्यवस्था विभाग, ट्राफिक प्रहरी व यातायात व्यवसायी दथुइ सहलह जुयाः टिकट बुकिङ चायेकेगु तिथि क्वःछ्यूगु खः । 

मोहनी नखःया झिन्हु न्ह्यः हे टिकट बुकिङ चायेकाः छेँ वनीपिं यात्रुपिनिगु नितिं सहज व्यवस्था याकेग पहल जूगु खः ।

थुगु दँ थीथी थासय् गाडीया व्यवस्थाबारे तकं तयारी जुइधुंकूगु दु । भाडा बृद्धियात हे यथावत् तयाः टिकट बुकिङ चायेकेगु निर्णय जूगु खः ।

Categorized in बजाः