zero media family planning adv

अश्लिल भिडियो दयेका सामाजिक सञ्जालय् छ्वम्ह छम्हसित ज्वन

नेवा: अनलाइन न्युज | २०७७ श्रावण १७, शनिबार ११:१०:१६

प्रहरी साइवर ब्यूरो अश्लिल भिडियो दयेका सामाजिक सञ्जालय् छ्वम्ह छम्हसित ज्वगु दु ।

ब्यूरोया पुचलं तनहुँ भानु नगरपालिकाया १३ दँया फेसबुकय् नक्कली आइडी दयेका  छ्वम्ह तनहुँया सविनराज मिश्रयात शुक्रवाः ज्वगु खः । ब्यूरोया प्रवक्ता, प्रहरी वरिष्ठ उपरीक्षक नविन्द अर्यालं १३ दँ दुम्ह मचाया किपाः छ्यलाः नक्कली फेसबुक चायेका अश्लिल फोटो व सन्देश मचाःया तता व थः थितिपिन्त छ्वयेगु यानाच्वंगलिं मिश्रयात ज्वनाःगु खँ धाःगु दु ।

थथे प्रहरी ज्वम्ह मिश्र थ्वया न्ह्यःन विद्युतीय कारोवार ऐन, २०६३ या कसुरय् जिल्ला अदालत येँ पाखें छगू लाख धरौटी पुला छुटेजुम्ह ब्यक्ति जुगु ब्यूरो न्ह्यथंगु दु । थथे ज्वनातःम्ह मिश्रयात येँ जिल्ला अदालतय् न्हयन्हूया म्याद थप यानाः अनुसन्धान जुयाच्वंगु प्रवक्ता अर्यालं जानकारी ब्यूगु दु ।

Categorized in दुर्घटना-अपराध