Header Nepal rastra bank Adv

अर्जेन्टिनां इटलीयात बुकाः च्याम्पियन जुल

नेवा: अनलाइन न्युज – ललेन्द्र शाक्य | २०७९ जेठ १९, बिहिबार १०:४५:३५

अर्जेन्टिनां फाइनलसिमा कासाय् इटलीयात ३–० गोलअन्तरं बुुकाः २०२२ या उपाधि त्याकूगु दु ।

वेम्बली स्टेडियमय् बुधवाः बहनी जूगु कासाय् लाउटरो मार्टिनेज, एन्जल डि मारिया व पाउलो डिबालााया छगू छगू गोलपाखें अर्जेन्टिना च्याम्पियन जूगु खः ।

कासाया  २८ औैं मिनेटय् मार्टिनेजं गोल यासें अर्जेन्टिनायात सुरुआती अग्रता ब्यूगु खः । न्हापांगु हाफया इन्जुरी इलय् डि मारियां गोेल यासें अर्जेन्टिनायात २–० या अग्रता ब्यूगु खः ।

वधुंकाः कासाया इन्जुरी इलय् डिबालां गोल यासें अर्जेन्टिनायात ३–० या गोलअन्तरं त्याकेत सहज जूगु खः  । थ्वलिसें अर्जेन्टिना स्वंगूगु संस्करणया फाइनलसिमा च्याम्पियन जूगु खः ।

Categorized in कासा