zero media family planning adv

अर्घाखाँची बस दुर्घटना ः सीपिनिगु ल्याः १९ थ्यन, ११ म्ह सनाखत

नेवा: अनलाइन न्युज | २०७६ मङ्सिर १२, बिहिबार ११:३७:३०

अर्घाखाँचीया सन्धिखर्क नगरपालिका–६ नरपानीइ बस दुर्घटना जुयाः सीपिनिगु ल्याः १९ म्ह थ्यंगु दु । सीपिंमध्ये ११ म्हेसिगु सनाखत जूगु दु । दुर्घटनाय् घाःपाः जूपिं १० म्हमध्ये ६ म्हेसिगु अवस्था तच्वः जुयाच्वंगु दु ।

सनाखत जूपिं सन्धिखर्क ७ डिहीडााडाया ५६ दाया शिवलाल भट्टराई, वहे थासय् च्वंम्ह २२ दँया माया पुरी, ५४ दँया बलराम भट्टराई, बस धनी शितगंगा नगरपालिका–२ झिर्राया ३७ दँया सन्त बहादुर बस्नेत व वहे थासय् च्वंम्ह २७ दँया सीता बस्नेत खः ।

कपिलवस्तुया चप्परगाउँ च्वनाः वयाच्वंम्ह सीता बस्नेत बस धनी सन्तबहादुर बस्नेतया किजाभौ खः ।

सीपिं मेपिं कपिलवस्तु बुद्धभूमि बाँसगढीया बस चालक ३६ दँया ओमबहादुर थापा बसन्त, भूमिकास्थान गरपालिका ९ ठूलोडेवाया द्दठ दँया शैलेश थापा, सन्धिखर्क नगरपालिका १० या छबिलाल गैह्रे, गुल्मी धुर्कोट २ छेँ दुम्ह थौंकन्हय् रुपन्देहीइ ज्या याइम्ह प्रहरी जवान राकुमार महत खः ।

अथेहे, सन्धिखर्क नगरपालिका ७ या थ्यंमथ्यं ८ दँया मिसामचा मनिका खड्का व नां मस्यूम्ह न्याला खुलाया ह्याउँमचा नं वहे दुर्घटनाय् सीगु जिल्ला प्रहरी ज्याकुथि अर्घाखाँचीं जानकारी ब्यूगु दु ।

च्याम्ह सीपिनिगु सनाखत जुइ ल्यं दनि । सीपिं जिल्ला अस्पताल सन्धिखर्कय् तयातःगु दु ।

Categorized in दुर्घटना-अपराध