zero media family planning adv

अमेरिकी राष्ट्रपति ट्रम्पयात बंकर दुने सुचुके यंकुगु दाबी, ४०गू शहरय् कर्फ्यू

नेवा: अनलाइन न्युज – विजयरत्न | २०७७ जेठ २१, बुधबार १०:४२:२४

विश्वय्  तधंगु प्रजातान्त्रिक देश धका धयातःगु अमेरिकाय्  जुउगु छगु घटनाय् प्रहरींइ छम्ह अश्वेत मनूयात स्यागु द्वंपलिपा मिनेशोटां सुरू जुगु प्रदर्शन हिंसात्मक जुया अमेरिकाया ४० गू शहरय् थ्यंगु दु ।

आन्दोलनय् तोडफोड, आगजनी लगायतया हिंसात्मक घटनां उग्र रुप कासेलिइ थीथी ४० गू शहरय् कर्फ्यु जारी याःगु अन्तरराष्ट्रिय संचारमाध्यमतयसं धागु दु।

जर्ज फ्लोइडया प्रहरीं सास्ती याःगुलिंइ सीगु धासें मिनेशोटाय् सोमबाःनिसें जुयाच्वंगु प्रदर्शनं शनिवाःनिसें  उग्ररूप काःगु खःसा थीथी ४० गू  शहरय् कर्फ्यू तसाः नं आन्दोलन दिउगु मदुनि । प्रदर्शनकारीतयसं कर्फ्यूयात च्यूता मतसें अमेरिकी राष्ट्रपति ज्याकु ह्वाइटहाउसयात नं  घेरा तसेंलि राष्ट्रपति डोनाल्ड ट्रम्पयात सुरक्षित बंकरय् सुचुके यंकुगु खँ न्यूयोर्क टाइम्सं उल्लेख यागु दु ।

अश्वेत व्यक्तिया मृत्युं रंगभेद आन्दोलनय् परिणत जुसेंलिइ सुरक्षाकर्मीया अवरोधयात न हांचा गायाः ह्वाइट हाउसतक प्रदर्शनकारीत थ्यंसेलिइ अन सुरक्षा सतर्कता उच्च याःगु दु । ह्वाइट हाउसया सुरक्षा व्यवस्थाया  यानातःगु  सुरक्षा तैनाथी अलकायदां सेप्टेम्बर ११, २००१ य् यागु आक्रमणलिपा यागु सुरक्षा सावधानी लिपाया हे उच्च जुगु वासिङ्टन पोष्टं न्ह्यःथंगु दु ।

आपालं आपा प्रहरी परिचालन याना कर्फ्यू तसाः नं प्रदर्शनकारीतयसं आगजनी, ढुंगामुडा, तोडफोड व लुटपाट यागु दु। वाशिंगटन, न्यूयोर्क, न्यूजर्सी, मिनियापोलस, एट्लान्टा, लस एन्जलस, फिलाडेलफिया, पोर्टल्याण्ड, लुइसभिला नापंया शहरय् कर्फ्यू तसाः नं प्रदर्शन मदिउगुलिंइ प्रहरीइ ४१०० मल्याकं प्रदर्शनकारीतयत नियन्त्रणय् काःगु बीबीसीइ धागु दु।

वंगु सोमबाः डेरेक शौभिन नांया ४४ दँया ९पूर्वप्रहरी० सुरक्षा गार्डं ४६  दँया फ्लोइडयात ज्वनेगु झ्वलय् गपः पुलिइ क्वःत्यंगु व उकिया छुं इ लिपा फ्लोइड सीगु धकाः  द्वंप बियातगु दु । शौभिनयात हत्याया आरोपय् ज्वनेधुक्कुगु दुसाः घटनालिपा पदमुक्त नं यायेधुंकुगु दु ।

वंगु सोमवाः चान्हय् प्रहरीयात छगू पसलय् छम्ह व्यक्तिं नक्कली नोट ब्यूगु धकाः फोन वसेंलिइ अन थ्यपिं सुरक्षाकर्मीतयसं नक्कली नोट ब्यूगु धाम्ह व्यक्ति जोर्ज फ्लोइडयात ज्वना  गाडीइ तयेत स्वगु इलय् वनेमानेमजुगु व प्रतिकार यासेंलिइ हत्कडी तयागु धकाः प्रहरीइ दाबी यानावयाच्वंगु दु ।

Categorized in अन्तर्राष्ट्रिय