Header Nepal rastra bank Adv

अमेरिकाय् २१ म्हेसिगु हत्या : आः मचातय्त स्कूल छ्वयेमखु

नेवा: अनलाइन न्युज – ललेन्द्र शाक्य | २०७९ जेठ ११, बुधबार १५:४५:१२

अमेरिकाया टेक्सास राज्यय् मंगलवाः न्हिनय् जूगु गोलीकाण्डय् लानाः १९ म्ह स्कूलया मचातलिसें निम्ह सीगु दु ।

टेक्सासया युभाल्डेय् च्वंगु रोब इलिमेन्टरी स्कूलय् १८ दँया छम्ह मिजं नं गोली चलेयाःगु खः । थुगु आक्रमणय् स्कूलया कर्मचारी व प्रहरीलिसें १३ म्ह मचात घाःपाः जूगु दु । तर, प्रहरीं आक्रमणकारीयात स्याःगु दाबी याःगु दु ।

थ्व घटना लिपा अमेरिकी अभिभावकपिंके ग्याःचिकुया लकस ब्वलंगु दु । आपालं अभिभावकपिन्सं थः काय् म्ह्यायपिन्त स्कूल मछ्वयेगु निर्णय याःगु दु ।

आक्रमण लिपा थ्यंकूपिं आपालं अभिभावकपिं थः मचातय्गु स्वास्थ्यया नितिं प्रार्थना यासें थःथवय् घयेपुयाः ख्वःगु खः ।

रोब इलिमेन्टरी स्कूलय् ब्वनाच्वंम्ह छम्ह मचाया मांम्हं थः मचायात आः गुबलें अमेरिकी स्कूलय् मछ्वयेगु धाःगु दु ।

Categorized in अन्तर्राष्ट्रिय