Header Nepal rastra bank Adv

अमेरिकाय् नं लुयावल ओमिक्रोन भेरियन्ट

नेवा: अनलाइन न्युज – ललेन्द्र शाक्य | २०७८ मङ्सिर १६, बिहिबार १२:०५:५१

लिपांगुखुसि अफ्रिकाय् लुयावःगु धाःगु कोरोना भाइरसया न्हूगु भेरियन्ट ओमिक्रोन अमेरिकाय् नं लुयावःगु दु ।

अमेरिकाया स्वास्थ्य अधिकारीपिन्सं उगु न्हूगु भेरियन्ट बुधवाः अमेरिकाया क्यालिफोर्नियाय् लुइकूगु बुखँ ब्यूगु धकाः थीथी विदेशी संचारमाध्यमं जानकारी ब्यूगु दु ।

थ्वहे नोभेम्बर २२ य् दक्षिण अफ्रिकां वःम्ह छम्ह मनूयाके उगु भेरियन्ट खनेदूगु जानकारी क्यालिफोर्नियाया स्वास्थ्य विभागया अधिकारीपिन्सं बुधवाः जानकारी ब्यूगु खः ।

अफ्रिकां वःम्ह उम्ह मनूया परीक्षणय् कोरोना पोजेटिभ खनेदयेधुंकाः युनिभर्सिटी अफ क्यालिफोर्नियाय् थप परीक्षण याःगु खः । थुकिं वयाके कोरोना भाइरसया न्हूगु अर्थात् लिपांगु घातक भेरियन्ट धाःगु ओमिक्रोन लुइकूगु धाःगु दु ।

अमेरिकाया सेन्टर फर डिजीज कन्ट्रोल एण्ड प्रिभेन्सनं क्यालिफोर्नियाय् बुधवाः खनेदूगु थ्व हे अमेरिकाय् खनेदूगु ओमिक्रोनया न्हापांगु संक्रमण जूगुु पुष्टि याःगु नं बुखँय् जानकारी ब्यूगु दु ।

न्हापांगु वाः दक्षिण अफ्रिकाय् लुइकूगु धाःगु थ्व भाइरस हलिंया आपालं देसय् लुइके धुंकूगु दु ।

Categorized in अन्तर्राष्ट्रिय