2565 buddha Jayanti ADV

अमेरिकाया युनाइटेड नेवाःपाखें कोभिडं कःपिन्त ग्वाहालि

नेवा: अनलाइन न्युज – ललेन्द्र शाक्य | २०७८ जेठ २६, बुधबार १०:२०:१९

अमेरिकाया टेक्सास राज्यया ड्यालस शहरय् च्वनाच्वंपिं नेवाःतय्सं नीस्वनातःगु  ‘युनाइटेड नेवाः युएसए’ पाखें कोभिड विरामीया निःशुल्क सेवा यायेगु निंतिं थनया छत्रपाटी निःशुल्क चिकित्सालययात आर्थिक ग्वाहालि लःल्हाःगु दु । युनाइटेड नेवाः युएसएपाखें  छगू बःचाधंगु ज्याझ्वःया दथुइ चिकित्सालयया नायः डा. मनोजमान श्रेष्ठयात १५ लाख ६३ हजार ८७५ तका ९० पैसाया चेक लःल्हाःगु खः ।

थ्व झ्वलय् युनाइटेड नेवाः युएसएया नायः महेन्द्र मानन्धरं कोभिडं कया विरामी जूपिन्त निःशुल्क सेवा बिया वयाच्वंगु नेपाःया संस्थायात ग्वाहालि याये दयाः थःपिंके लसता वःगु खँ कनादिल ।
अथेहे उपाध्यक्ष शैलेन्द्र मानन्धरं अमेरिकाय् च्वंपिं नेपाःमितय्सं थःगु देश लुमंकाः फूचाःगु कथं बिउगु ध्यबा मुंकाः नेपाः छ्वया हयागु सन्देश बिसें भविष्यय् नं माल धाःसा थुकथंया ग्वाहालि यायेगु बचं बियादिल । लिसें वय्कलं थुगु दां मुनेज्याय् ग्वाहालि यानादीपिं संस्थाया दुजःपिं सचिन्द्र शाक्य, रवि महर्जन, प्रज्वल महर्जन व नरेश महर्जनयात नं सुभाय् देछानादिल ।

Categorized in राष्ट्रिय