Header Nepal rastra bank Adv

अफगानिस्तान–पाकिस्तान सीमाया स्कूलय् विष्फोट : गुम्ह मचात सित

नेवा: अनलाइन न्युज – ललेन्द्र शाक्य | २०७८ पौष २७, मंगलबार १२:३४:४४

अफगानिस्तानया पाकिस्तानलिसे स्वाःगु सीमाय् च्वंगु छगू स्कूलय् सोमवाः न्हिनय् जूगु विष्फोटय् लानाः गुम्ह मचात सीगु दुसा प्यम्हेसिगु अवस्था तच्वः जुयाच्वंगु जानकारी ब्यूगु दु ।

उगु विषयया पुष्टि तालिवान सरकारं तकं याःगु दु । तालिवान गभर्नर अफिसया पाखें सार्वजनिक याःगु बयान कथं नांगरहारया लालोपुरय् छगू स्कूलया हलंज्वलं ज्वनाः वयाच्वंगु गाडीइ उगु विष्फोट जूगु दु । छुं जानकारीया कथं गाडीइ छगः मोर्टार सुचुकातःगु खः ।

लालोपुर जिल्लाया चौकीइ गाडी थ्यनेखतं अन विष्फोट जूगु खः । उगु क्षेत्रलय् आतंकवादी संगठन इस्लामिक स्टेट सक्रिय जुयाः वयाच्वंगु दु । इमिगु तालिवानलिसे हिंस्रक भिडन्त जुयाः वयाच्वंगु दु ।

Categorized in अन्तर्राष्ट्रिय