nepal life 2076 3 18

अफगानिस्तानय् बुर्काया मू झिगू गुना थिकेजुल

नेवा: अनलाइन न्युज – ललेन्द्र शाक्य | २०७८ भाद्र २, बुधबार ११:४१:०९

अफगानिस्तानय् बुर्काया मू ह्वात्त हे थाहाँ वंगु दु । तालिवान शक्तिइ वयेधुंकाः बुर्काया मू झिगू गुनातक थाहाँ वंगु खः ।

अन्तर्राष्ट्रिय संचारमाध्यमया कथं तालिवान काबुलपाखे न्ह्याःवनाच्वंगु इलय् बुर्का न्यायेगु नितिं बजारय् मिसापिनिगु भीड जूगु खः । सुनां नं थुलि याकनं तालिवान काबुल दुहाँ वइ धैगु सोचेयाःगु मदुगु खः ।

घटनाक्रम तिव्र विकास जुइधुंकाः काबुल लिसेंया मू शहरय् बुर्काया अभाव जूगु दु । अत्याधिक मागया हुनिं बुर्काया कालोजबजारी जूगु दु ।

बुर्का मिइगु पसःत अतिकं व्यस्त जूगु दु । आः अफगानिस्तानय् बुर्काया व्यापार दकले अप्वः लिमलाःगु दु ।

अफगानिस्तानय् २० दँ न्ह्यः तालिवान शासनय् मिसापिन्त बुर्का फिकेत वाध्य याःगु खः । मिसापिन्त स्कूल वनेगुलि बन्देज याःगु खः । इस्लामिक परम्परा कथं जक न्ह्याःवनेमाःगु नियम तःगु खः । थुगुखुसि नं वहे जुइफइगु धासें बुर्का न्याइपिनिगु भीड जूगु खः ।

अफगानिस्तानय् मिसापिं छेँपाखें पिहाँ वयेत ग्यानाच्वंगु दु । गुलिंसिके बुर्का मदुगुलिं छेँ दुने हे च्वनाच्वंगु सीदूगु दु ।

Categorized in अन्तर्राष्ट्रिय