अफगानिस्तानय् छन्हुं हे प्यथाय् विस्फोट, १२ म्ह मल्याक सित
नेवा: अनलाइन न्युज – ललेन्द्र शाक्य | २०७९ जेठ १२, बिहिबार १२:०९:११
अफगानिस्ताानय् बुधवाः छगः मिनिबस व मस्जिदय् यानाः प्यथाय् जूगु विस्फोटय् लानाः कम्ती नं १२ म्ह मनूत सीगु दु ।
समाचार एजेन्सी रोयटर्सया कथं मजार–ए–शरीफ इलाकाय् छगः मिनी बसय् स्वंगः बम विस्फोट जुयाः कम्ती नं झिम्ह मनूत सीगु खः । उगु विस्फोटय् लानाः १५ म्ह मनूत घाःपाः जूगु खः ।
बुुधवाः हे काबुलय् च्वंगु छगू मस्जिद दुने जूगु बम विस्फोटय् लानाः कम्ती नं निम्ह मनूत सीगुु दुसा झिम्ह मनूत घाःपाः जूगु दु ।
समाचार एजेन्सी रोयटर्सया कथं मजार–ए–शरीफय् जूगु विस्फोटया भाला चरमपन्थी संगठन इस्लामिक स्टेटं काःगुु दु ।
काबुलया आपतकालीन अस्पतालया कथं मस्जिदय् जूगु विस्फोटय् लानाः कम्ती नंं न्याम्ह मनूत सीगु व २२ म्ह घाःपाः जूगु बीबीसीं बुखँँ पिथंगु दु ।
रोयटर्सया कथं मस्जिद दुने पःखलय् बम तयातःगु खः ।
Categorized in अन्तर्राष्ट्रिय