nepal life 2076 3 18

अफगानिस्तानया काबुल विमानस्थलय् विष्फोट, आःतक ९० म्ह सित

नेवा: अनलाइन न्युज – ललेन्द्र शाक्य | २०७८ भाद्र ११, शुक्रबार १२:५८:२३

अफगानिस्तानया काबुलय् च्वंगु अन्तर्राष्ट्रिय विमानस्थलय् बिहिवाः जूगु आतंकवादी हमलाय् लानाः सीपिनिगु ल्याः ९० म्ह थ्यंगु दुसा घाःपाः जूपिनिगु ल्याः १५० म्हसिबें अप्वः थ्यंगु बिहिवाः अफगानी स्वास्थ्य मन्त्रालयं जानकारी ब्यूगु खः ।

काबुलय् च्वंगु हामिद कारजाई अन्तर्राष्ट्रिय विमानस्थलय् बिहिवाः निगः आत्मघाती बम विस्फोट जूगु खः । विस्फोटय् अमेरिकी सैनिकलिसें आःतक ९० म्ह मनूत सीगु जानकारी ब्यूगु दु ।

उगु घटनाय् घाःपाः जूपिनिगु ल्याः १५० म्हसिबें अप्वः थ्यंगु धाःगु दुसा सीपिं अफगानीमध्ये कम्ती नं २८ म्ह तालिवानया दुजः जूगु जानकारी ब्यूगु दु । 

तालिवानं थुगु घटनाया निन्दा यासें उगु घटनाय् दुथ्याःपिं दोषीपिन्त कारवाही यायेगु ख्याच्वं ब्यूगु दु ।

Categorized in अन्तर्राष्ट्रिय