nepal life 2076 3 18

अफगानिस्तानया काबुल विमानस्थलय् आइतवाः थुखे १२ म्ह सित

नेवा: अनलाइन न्युज – ललेन्द्र शाक्य | २०७८ भाद्र ३, बिहिबार १३:२२:५५

अफगानिस्तानया काबुलय् च्वंगु हामिद कारजाई विमानस्थललिसें जःखःया क्षेत्रय् आइतवाः थुखे १२ म्ह मनूत सीगु दु ।

अन्तर्राष्ट्रिय संचारमाध्यमया कथं तालिवानं समग्रय् आःतक १२ म्ह मनूत सीगु जानकारी ब्यूगु खः ।

नां मधायेगु शर्तय् तालिवानया अधिकारीं गोली कयाः वा भागदौडया झ्वलय् इमिगु ज्यान वंगु धाःगु दु । वं फुक्क पिने वनेगु अनुमति मदुपिं मनूतय्त छेँय् वनेत नं आग्रह याःगु दु । तालिवानं एयरपोर्टय् सुयात नं दुःख बिइ चाहेमजूगु धाःगु दु ।

आः काबुलया एयरपोर्ट अमेरिकी सेनाया नियन्त्रणय् दु । तर, एयरपोर्ट वनेगु लँपुइ तालिवानत तैनाथ यानातःगु दु । प्रत्यक्षदर्शीपिन्सं पिने वनेगु भ्वँ दुपिं मनूतय्त नं इमिसं पनाच्वंगु धाःगु दु ।

Categorized in अन्तर्राष्ट्रिय