nepal life 2076 3 18

अफगानिस्तानया काबुलय् लिहाँ वल सुलांच्वंम्ह अफगानी नेता

नेवा: अनलाइन न्युज – ललेन्द्र शाक्य | २०७८ भाद्र ३, बिहिबार ११:५५:३५

अफगानिस्तानय् तालिवानया नियन्त्रण कायम जुइधुंकाः उगु तालिवानया उच्च नेतृत्वय् च्वंपिं नेतापिं कतारं स्वदेश अफगानिस्तान लिहाँ वंगु दु । स्वदेश लिहाँ वंपिंमध्ये गुलिखे नेतापिन्सं कतारय् निर्वासित जीवन वितेयानाच्वंगु खः ।

तालिवानया संस्थापकमध्येया छम्ह नेता मुल्लाह अब्दुल गनी बरादर नं अफगानिस्तान थ्यंकूगु दु । अमेरिकी सैनय फिर्तीबारे जूगु वार्ताय् लाःबला (महिनौं) नेतृत्व याःम्ह मुल्लाहया स्वदेश फिर्तीयात छगू नाटकीय पुनरागमनया संकेतया रुपं काःगु दु ।

मुल्लाह स्वदेश लिहाँ वनेगु झ्वलय् कान्दहार विमानस्थलय् क्वाहाँ वंगु खः । कान्दहार तालिवानया हे खँग्वलय् इमिगु पवित्र उद्गमस्थल खः । २० दँ न्ह्यः अमेरिकी फौजं तालिवानयात चिइकेगु न्ह्यःतक कान्दहार इमिगु महत्वं जाःगु आधार क्षेत्र जुयाच्वंगु खः ।

कान्दहार विमानस्थलं मुल्लाह कारय् च्वनाः पिहाँ वःबलय् वया लसकुस यायेत आपालं मनूत वःगु खनेदूगु भिडियो फुटेजत पिहाँ वःगु दु ।

Categorized in अन्तर्राष्ट्रिय