नेवा: अनलाइन न्युज | २०८० आश्विन १, सोमबार २१:२०:२७

नेपालभाषाया साहित्यख्यलय् ताः ई न्ह्यःनिसें सकृय जुया वया च्वनादीम्ह साहित्यकार मयजुया प्यंगु सफूया सोमबार पितब्वज्या जुउगु दु । साहित्य व समाजसेवी  कृष्णलाल प्रधानं मूपाहाँ कथं झायादीगु उगु ज्याझ्वः साहित्यकार हितकरवीर सिंह कंसाकार सभानायसुइ जूगु खः । पिदंगु प्यंगु सफू मध्ये समालोचना मुना सफू ू किपाः ” , निबन्ध मुना ू क्वाःघासा ” व चिबाखं मुना ू जीवनया यात्रा” या नापनापं साहित्यकार अपर्णा प्रधान या गुंगू सफूयात कया समालोचक पुर्ण ताम्राकारं च्वयादीगु समालोचना मुना ू क्वाति ” खः।

भाषाविद् सुन्दरकृष्ण जोशी  समालोक पुर्ण ताम्रकार, साहित्यकार सुलोचना मानन्धर , बाखं च्वमि जलेश्वरी श्रेष्ठ विशेष पाहाँ कथं दबुलिइ च्वनादीगु खः । ज्याझ्वलय् कुतः पिकाकःया विमल ताम्रकारं लसकुस न्वचु तयादीगु खः । उगु ज्याझ्वलय् नुगःखँ तयादिपिं वक्तापिन्सं साहित्यकार प्रधान मयजुया लेखन प्रवृति व वयकया निरन्तर न्ह्याना च्वंगु च्वयाया बारे कुलादीगु खः । सोमबार पितब्वज्या जूगु स्वंगु सफू नापं याना आःतकया दुने वयकया स्वीन्यागू सफू पिदने धुंकुगु दु ।

 

Categorized in नेवाः