zero media family planning adv

अन्तर्राष्ट्रिय श्रम संगठन महासन्धी १६९ छु धयातःगु दु

नेवा: अनलाइन न्युज | २०७२ भाद्र १५, मंगलबार १०:१७:३५

(अन्तर्राष्ट्रिय श्रम संगठनं सन् १९८९ स आदिवासी जनजाति सम्बन्धी महासन्धी दयेकाः उकियात आईएलओ महासन्धी–१६९ या रुपय् लागु याःगु खः । थुकियात नेपाल सरकारं नं अनुमोदन याये धुंकूगु दुसा थ्व थौंकन्हय् नेपालय् कानुन सरह हे लागु जुइधुंकूगु दु । थुकिया सम्बन्धय् जनचेतना ब्वलंके माःगु तातुनाः थीथी संघसंस्था थःगु स्तरय् थीथी कथंया ज्याझ्वःत न्ह्याकावयाच्वंगु दु । अप्सराया थुगु ल्याखंनिसें थुगु हे अन्तर्राष्ट्रिय श्रम संगठनया महासन्धि संख्या १६९, आदिवासी तथा जनजाति सम्बन्धी महासन्धि, १९८९ या नेपालभाषा अनुवाद न्ह्यब्वयाच्वना । सं.)
अन्तर्राष्ट्रिय श्रम संगठनया महासम्मेलनं,
अन्तर्राष्ट्रिय श्रम कार्यालयया संचालक निकायं जेनेभामा सःतूगु व ७ जुन १९८९ स थुकिं थःगु ७६ क्वःगु  अधिवेशन सम्पन्न याःगु,
आदिवासी व जनजाति सम्बन्धी महासन्धि व सिफारिश, १९५७ स समाविष्ट अन्तर्राष्ट्रिय मापदण्डतय्त न्ह्यब्वसें,
मानव अधिकारया विश्वव्यापी घोषणापत्र, आर्थिक, सामाजिक तथा सांस्कृतिक अधिकार सम्बन्धी अन्तर्राष्ट्रिय प्रतिज्ञापत्र, नागरिक व राजनीतिक अधिकार सम्बन्धी अन्तर्राष्ट्रिय प्रतिज्ञापत्र व भेदभाव निवारण सम्बन्धी यक्व अन्तर्राष्ट्रिय लिखतया व्यवस्थातय्त लुमंकुसें,
सन् १९५७ निसें अन्तर्राष्ट्रिय कानूनया क्षेत्रय् जूगु विकासतलिसें विश्वया दक्व क्षेत्रय् आदिवासी तथा जनजातिया अवस्थाया सम्बन्धय् जूगु विकासं थ्व विषयस न्हापाया मापदण्डतय्गु समिकरणमूलक अभिमूखिकरण चीकेगु उद्धेश्यं न्हूगु अन्तर्राष्ट्रिय मापदण्डत स्वीकार यायेगु उपयुक्त जूगु खँयात विचाः यासें,
थःगु बसोबास दुगु राज्यतय्गु संरचनादुने थःगु संस्थात, जीवन पद्दति लिसें आर्थिक विकासय् नियन्त्रण याये दइगु, थःगु म्हसिका, भाय् व धर्मत कायम यायेगु व विकास यायेगु थुपिं जातितय्गु आकांक्षायात मान्यता बिसें,
विश्वया यक्व ब्वय् थुगु जातितय् थःगु बसोवास दुगु राज्य दुने मेपिं जनतात सरह थःगु मौलिक मानव अधिकारत उपभोग यायेत असमर्थ जूपिं व उमिगु कानून, मूल्य, परम्परा व दृष्टिकोणत प्रायः तनावनाच्वंगु ख“यात न्ह्यब्वसें,
सांस्कृतिक विविधताय् लिसें  मानव जातिया सामाजिक व पर्यावरणीय सामन्जस्यता लिसें अन्तर्राष्ट्रिय सहयोग व समझदारीइ आदिवासी तथा जनजातिं ब्यूगु विशिष्ट योगदानपाखें ध्यानाकर्षण यासें,
संयुक्त राष्ट्र संघ, संयुक्त राष्ट्र संघीय खाद्य तथा कृषि संगठन, संयुक्त राष्ट्र संघीय शैक्षिक, वैज्ञानिक तथा सास्ंकृतिक संगठन व विश्व स्वास्थ्य संगठन एवं अन्तर अमेरिकी इण्डियन इन्सिच्यूटं उपयुक्त तह व सम्वन्धित क्षेत्रय् प्राप्त याःगु ग्वाहालिइ क्वय्या व्यवस्थात तर्जुमा याःगु व थ्व व्यवस्थातय्गु प्रयोग प्रवद्र्धन व सुनिश्चित यायेत थुज्वःगु ग्वाहालि जारी यानातयेत प्रस्ताव याःगु ख“यात न्ह्यब्वसें,
थुगु अधिवेशनया प्यक्वःगु कार्यसूचीया रुपय् दुगु आदिवासी तथा जनजाति सम्बन्धी महासन्धि, १९५७ (ल्याः १०७) या आंशिक संशोधन सम्बन्धी छुं प्रस्तावत ग्रहण यायेगु निर्णय यासें, लिसें थुपिं प्रस्तावतय्सं आदिवासी तथा जनजाती सम्बन्धी महासन्धि, १९५७ लाई संशोधन यानाः छगू अन्तर्राष्ट्रिय महासन्धिया रुप काइगु ख“या निर्णय यासें,
थौं १९८९ सालया जुन महिनाया २७ तारिखया न्हि आदिवासी तथा जनजाति सम्बन्धी महासन्धि, १९८९ भनिने देहायया महासन्धिलाई पारित यानागु दु ।
भाग १ सामान्य नीति
धारा १
१. थ्व महासन्धि क्वय्या जनजाति तथा जनतातय्गु हकय् लागू जुइ,
(क) सामाजिक, सांस्कृतिक व आर्थिक अवस्थातय्सं राष्ट्रिय समुदायया मेमेगु पुचलं बिस्कं लाःपिं सुया अवस्था थःगु  परम्परा वा प्रथा वा विशेष कानून वा नियमतय्गु कारणं पूर्ण वा आशिंक रुपं नियमित जुइगु हैसियत दुगु स्वतन्त्र मुलुकया जनजातित,
(ख) त्याकूगु वा औपनिवेशीकरणया वर्तमान राज्य सिमानाया स्थापना जूगु इलय् गुगुं देय् वा उगु देय्या छुं भौगोलिक क्षेत्रय् च्वनाच्वंपिं बासिन्दातय्गु वंश जूगु कारणं आदिवासी धायेकीगु व थःगु कानूनी हैसियत न्ह्याथेंजाःगु जूसां थःगु छुं वा फुक्कं सामाजिक, आर्थिक, सांस्कृतिक व राजनीतिक संस्थात कायम यानातःगु स्वतन्त्र मुलुकया जनतात ।
२. आदिवासी वा जनजातिया रुपय् स्वपहिचान थ्व महासन्धिया व्यवस्थात लागू जुइगु समूहतय्गु निर्धारण यायेगु नितिं छगू मौलिक मापदण्ड मानय् याइ ।
३. थुगु महासन्धिइ प्रयुक्त जनता ख“ग्वःयात अन्तर्राष्ट्रिय कानून अन्र्तगत उगु ख“ग्वलं म्हसीकेफुगु अधिकारतय्गु सम्बन्धय् छुं नं लिच्वः लाकीगु व्याख्या याइमखु ।
धारा २
१. सम्वन्धित जनताया सहभागिताय् उज्वःगु जनताया अधिकार संरक्षण गर्न व उमिगु अखण्डताया सम्मानयात प्रत्याभूति यायेत समन्वित व प्रणालीबद्ध ज्याया विकास यायेगु जिम्मेवारी सरकारया जुइ ।
२. थुज्वःगु ज्याय् क्वय्या  उपायत तकं समावेश जुइ
(क) राष्ट्रिय कानून तथा नियमतय्सं देय्या जनसंख्याया मेगु दुजःपिन्त ब्यूगु अधिकारलिसं अवसरतपाखें थुपिं जनताया दुजःपिसं समान रुपय् फाइदा काःगु सुनिश्चित यायेगु,
(ख) थ्व जनताया सामाजिक तथा सांस्कृतिक पहिचान, परम्परा तथा प्रथा व संस्थातप्रतिया सम्मान यासें उमिगु सामाजिक, आर्थिक तथा सांस्कृतिक अधिकारतय्गु पूर्णकार्यान्वयनया प्रर्वद्धन यायेगु,