city axpris 2

अन्तर्राष्ट्रिय रुपं नेपालीया छवि लाजमर्दो कथं स्यन : सांसद कृष्णगोपाल श्रेष्ठ

नेवा: अनलाइन न्युज – ललेन्द्र शाक्य | ने.सं. ११४४ सिल्लाथ्व दुतिया

नेकपा एमालेया सांसद कृष्णगोपाल श्रेष्ठं त्रिभुवन अन्तर्राष्ट्रिय विमानस्थलया ल्वापुं अन्तर्राष्ट्रिय स्तरय् नेपाःया छबि स्यंगु धाःगु दु ।

आइतवाः च्वंगु प्रतिनिधिसभा अन्तर्गतया राज्य व्यवस्था व सुशासन समितिया मुँज्याय् न्वःवासें पूर्व शिक्षा विज्ञान व प्रविधिमन्त्री तकं जुइधुंकूम्ह सांसद कृष्णगोपाल श्रेष्ठं विमानस्थलया ल्वापु स्वयेबलय् सामान्य खनेदुसां नं थुकिया विषयस सरकारं गम्भीर जुयाः सोचेयायेमाःगु धाःगु खः ।

सांसद श्रेष्ठं धाःगु दु, ‘स्वयेबलय् सामान्य जूसां नं अन्तर्राष्ट्रिय रुपं नेपालीया छबि लाजमर्दो कथं स्यन ।’

सांसद श्रेष्ठं छानविन आयोगं गुज्वःगु प्रतिवेदन बिल ? अध्यागमनथें अराजक व भ्रष्टाचारीपिनिगु अखडाया खँ ल्हानाः साध्य मजूगु धाःगु दु ।

त्रिभुवन विमानस्थलय् छुं दिं न्ह्यः अन च्वंपिं कर्मचारी व प्रहरीदथुइ ल्वापु जुयाः कुटाकुटया स्थिति ब्वलंगु खः ।

उगु घटनालिपा विमानस्थलया सुरक्षा प्रमुख डिआइजी अर्जुन चन्दं पदपाखें राजीनामा ब्यूगु खःसा घटनाय् दुथ्याःगु धासें स्वम्ह प्रहरीयात लितसःतूगु खः । सांसद श्रेष्ठं उगु घटनाय् सरकारं लिसः बिइमाःगु धाःगु दु ।

सांसद श्रेष्ठं धाःगु दु, ‘सुरक्षाया जिम्मेवारी काःम्ह कमाण्डरं छाय् राजीनामा ब्यूगु ? आःया अवस्था छु दु ? वं राजीनामा बिइमाःगु अवस्था गुकथं वल ? सरकारं लिसः बिइमाः ।’

Categorized in राजनीति