prabhu baink new

अन्तर्राष्ट्रिय नेपालभाषा साहित्य सम्मेलन जुइगु

नेवा: अनलाइन न्युज – Rakesh Maharjan | २०७७ श्रावण ९, शुक्रबार ०९:३५:३०

येँ – नेपालभाषाया साहित्यक रचनायात मेमेगु अन्तर्राष्ट्रिय भाषां पाठ जुइगु जूगु दु ।

हलिं नेवाः गुथिया ग्वसालय् थ्व हे वइगु गुंलागा त्रयोदशी (भदौ १ गते) सोमवाःखुनु छगू ज्याझ्वःदथुइ नेपालभाषाया साहित्ययात अन्तर्राष्ट्रिय भाषां पाठ जुइत्यंगु दु । उखुनु नेपाःया ईकथं सनिलया ६ ताः इलय् ज्याझ्वः न्ह्याइगु जानकारी नं गुथिं ब्यूगु दु ।

साहित्य सम्मेलन लिपा पाठ जूगु साहित्यिक रचनाया च्वमितय्त ईदसिपौ बीगु जूगु दुसा उगु साहित्यिक रचना मुंकाः ई–सफूया रुपय् पिथनेगु जानकारी नं हलिं नेवाः गुथिं ब्यूगु दु ।

साहित्य सम्मेलनया निंतिं  हलिं नेवाः गुथिं साहित्यक रचनाया आह्वान याःगु दु । गुथिया कथं थ्व हे वइगु गुंलाथ्व एकादशी (साउन १५) तक रचना दुथ्याकेत आह्वान याःगु दु । गुथिया मू दुजःपिनि मेसेन्जरय् वा ईमेलय् साहित्यिक रचना दुतिनेफइगु जानकारी गुथिं ब्यूगु दु ।

 

Categorized in नेवाः