nepal life 2076 3 18

अन्तरवार्ता पास यायेत हुलेमाल प्याखं

२०७१ फाल्गुण २६, मंगलबार ०८:१७:२४

अथे ला विश्वन्यंकं हे एयरहोस्टेसया अन्तरवार्ता पास यायेगु निंतिं थीथी कथंया थाकुगु प्रक्रिया तयातःगु दइ । तर चीनय् बुलेट ट्रेनया परिचारिकाया जागिर नयेत तसकं हे थाकु । चीनया जिनानय् च्वंगु शांगडोंग यूनिवर्सिटीइ १५०० उम्मेदवारपिन्त छगू अजूचायापुगु अन्तरवार्ता प्रक्रियां न्ह्याः वनेमाल । उमिसं जज प्यानलया न्ह्यःने प्याखं हुलेगु, बेस्ट पोज थुज्वःगु कला प्रदर्शन यायेमाल । गुलि गुलिसिनं ला परेड व तिव्र गतिया ट्रेनया निंतिं ब्यालेन्स कला नं न्ह्यब्वयेमाल । उम्मेदवारपिसं प्याखं हुले न्ह्यः तःक्वः प्राक्टिस नं याःगु खः । 

९० पदया निंतिं ल्यज्या

अटेन्डेण्ट (परिचारिका) या जागिर नयेत चीनय् कडा नियम दु । उम्मेदवारपिनि धिकः १६६ निसें १७४ सेमीया दथुइ जुइमाः धाःसा ग्यसु (तौल) ५२ निसें ५८ किलोया दथुइ जुइमाः ।थुगुसी बुलेट ट्रेनय् जागिरया निंतिं ९० पदय् १५०० उम्मेदवारपिं दुगु खः । सन् २०१४ य् बुलेट ट्रेनया जागिरया निंतिं न्याद्वः आवदेन वःगु खः ।