city axpris 2

अन्डर १९ विश्वकप क्रिकेट न्ह्यात, न्युजिल्याण्ड व नेपाःया भिडन्त आइतवाः

नेवा: अनलाइन न्युज – ललेन्द्र शाक्य | २०८० माघ ५, शुक्रबार १०:३७:२३

आईसीसी यू–१९ विश्वकप क्रिकेट कासाया झिंन्याक्वःगु संस्करण थौं शुक्रवाःनिसें न्ह्याःगु दु ।

दक्षिण अफ्रिकाय् ग्वसाः ग्वःगु उगु कासाया न्हापांगु दिं थौं शुक्रवाः अमेरिका व आयरल्याण्ड व दक्षिण अफ्रिका व वेस्ट इण्डिजदथुइ कासा जुइगु जूगु दु ।

कासाय् नेपाःलिसें झिंखुगू टोलीया सहभागिता दूगु जानकारी ब्यूगु दु ।

प्यंगू समूहलय् ब्वथःगु कासाय् सहभागी टोलीमध्ये नेपाः समूह “डी”इ लाःगु दु ।

नेपालं थःगु न्हापांगु कासा जनवरी २१ आइतवाः न्युजिल्याण्डलिसे, जनवरी २४ बुधवाः निगूगु कासा पाकिस्तानलिसे व जनवरी २७ शनिवाः अफगानिस्तानलिसे स्वंगूगु कासा म्हितीगु जूगु दु ।

यू–१९ विश्वकप ५० ओभरया कासा खः । यू–१९ विश्वकप कासा न्ह्याये न्ह्यः अन्तर्राष्ट्रिय क्रिकेट काउन्सिल (आईसीसीं) सहभागी झिंखुगूलिं राष्ट्रया नितिं निगू निगू अभ्यास कासा म्हितकेगु व्यवस्था मिलेयाःगु दु ।

नेपालं थःगु न्हापांगु अभ्यास कासाय् स्कटल्याण्डयात ‘डकवर्थ एण्ड लेविस’ नियमया आधारय् ७ विकेटं बुकूगु खः ।

नेपाल क्रिकेट संघ (क्यानं) यू–१९ विश्वकपया नितिं देव खनालया कप्तानीइ टोलीया घोषणा याःगु दु । घोषित नेपाली टोलीइ अर्जुन कुमाल, आकाश त्रिपाठी, दीपकप्रसाद डुम्रे, दुर्गेश गुप्ता, गुल्सनकुमार झा, दीपेशप्रसाद कँडेल, विशालबिक्रम केसी, सुवास भण्डारी व दीपक बोहरा दुथ्याःगु दु ।

उत्तम रंगु थापामगर, विपिन रावल, तिलकराज भण्डारी, दीपक बोहरा व आकाश चन्द नं टोली सहभागी जूगु दु ।

Categorized in कासा