ad prabhu

अनलाइन पाखें हलिं नेवाः दबू, अमेरिका कचाया निक्वःगु दं मूज्या

नेवा: अनलाइन न्युज | २०७७ बैशाख २७, शनिबार २१:१७:५३

हलिं नेवाः दबू, अमेरिका कचाया निक्वःगु दं मूज्या वंगु अप्रिल ३०, २०२० खुन्हु अनलाइन पाखें जुगु दु ।

अमेरिकाया थीथी थासय् च्वनावयाच्वपिं पदाधिकारी व सल्लाहकारपिसं ब्वतिकाःगु उगु दं मूज्याय् सांसद महेश लाल प्रधान मूपाहां कथं नेपालं अनलाइनय ब्वतिकयादिगु खः । दबूया मूछ््ञ्याजे बासव राजोपाध्यायं न्ह्याकादीगु मूज्याय रिजनल डिरेक्टर समीर महर्जन पाखें लसकुस याना दीगु खः। अथे हे थी थी कवःया डिरेक्टरपिं पाखें थःथःगु वार्षिक प्रतिवेदन नं न्ह्यब्वया दीगु खः ।

नेपालभासा व साहित्यया कजि शिकागोय च्वनादीम्ह केशरमान ताम्राकार पाखें न्हूपिं स्वम्ह दुजःपिं रीता देवी जोशी प्रधान, लक्ष्मी श्रेष्ठ  व सृजना तुलाधरपिंत थःगु लसकुस याना दिसें वइगु न्हिं दछी छगू नेपालभासाया सफू पिथनेगु व अनलाइन साहित्य सम्मेलन यायेगु ज्याझ्वः न्ह्यथंनादिगु खः ।

ज्याझ्वलय् हलिं नेवास् दबूया नायः सिजन श्रेष्ठ पाखें भिन्तुना देछानादिगु खःसा हलिं नेवाःदबू, अमेरिका कचाया नायः टेक्सस च्वनादीम्ह प्रमेश श्रेष्ठ सकलसित सुभाय देछानादिगु खः ।

 

Categorized in नेवाः