zero media family planning adv

अदालतया फैसला बेठीक जुल, तर स्वीकार याये : देव गुरुंग

नेवा: अनलाइन न्युज – ललेन्द्र शाक्य | २०७७ चैत्र १९, बिहिबार १५:४५:१२

नेकपा माओवादी केन्द्रया नेता देव गुरुंगं एमाले व माओवादी ब्युँतेयायेगु फैसला पुनरावलोकनयात अनुमति मबिइगु सर्वोच्च अदालतया फैसला बेठीक जूगु धाःगु दु । अय्सां गुरुंगं अदालतया फैसला स्वीकार यायेगु धाःगु दु ।

गुरुंगं धाःगु दु, संविधानं दल चायेके दइगु स्वतन्त्रता प्रत्याभूत याःगु दु । तर, सर्वोच्च अदालतया थ्व निर्णयपाखें दल सम्बन्धी गठन व पुनगर्ठन फुक्क अदालतं याइगु जुइधुंकाः ला, दलया छु औचित्य दत धैगु खँ वइ । संविधानं प्रत्याभूत याःगु दलसम्बन्धी अधिकार हे हनन् जुल धकाः अदालत वनागु खः । पुनरावलोकन मयाइगु जुइधुंकाः व ला बेठीक जुल धैगु जिमित ताः ।

नेता गुरुंगं अदालतया फैसलाबारे सहलह यायेगु तर फैसलायात स्वीकार यायेगु धाःगु दु ।

Categorized in राजनीति