zero media family planning adv

अझ निनू तक सुपाँय् नापं वा वइगु सम्भावना

नेवा: अनलाइन न्युज | २०७७ जेठ १७, शनिबार ०८:४२:३९

पश्चिमी वायु व स्थानीय वायुया प्रभावं अझ स्वन्हु देय्न्यंकं सुपाचं त्वपुइगुया नाप नापं वा वइगु सम्भावना दु । नेपालय् पश्चिमी वायुया आंशिक प्रभाव दुगुया नापं नेपाःया पूर्वी भूभाग लिक्क खनेदुगु निम्न चापीय रेखा व स्थानीय वायुया प्रभावं सुपाचं त्वपुइगुया नापं द्यः न्यालाः वा फय् व मलः सहित वाः वयाच्वंगु मौसम पूर्वानुमान महाशाखं धाःगु दु । म्हिगः येँ सुथय् न्हापां हे वाः वःगु खः । थ्व मौसमी प्रणाली अझ विकसित जुइगु झ्वलय् दुगुलिं वइगु निनू देय् न्यंकं वा वइगु सम्भावना दुगु मौसमबिद् विभूति पोखरेलं कनादिल । 

हिनय् देय्न्यंंकं सामान्य सुपाचं त्वपुया देय्या आपालं थासय् द्यः न्यालाः धाकुफय् नापं मलः नापं जुयाः वा वइगु सम्भावना दुगु मौसम पूर्वानुमान महाशाखां धाःगु दु । शनिवाः देय्या पूर्वी व पश्चिमी भूभाग नापं मध्य पहाडी भूभागय् सामान्य सुपाचं त्वपुयाः देय्या छुं थासय् द्यः न्यालाः मलः व धाकु फय् सहित वा वइगु सम्भावना दुगु खँ धाःगु दु । आइतवाः देय्या पहाडी भूभागय् सामान्य सुपाचं त्वपुयाः ल्यं दनिगु थासय् आंशिक सुपाचं त्वपुयाः पहाडी भूभागया आपालं थासय् द्यः न्यालाः मलः व धाकु सहित वा वइगु सम्भावना क्यनातःगु दु । 

Categorized in राष्ट्रिय