zero media family planning adv

अगिना व सुशील शाही तिपुया निपु न्हूगु म्ये पिदन

नेवा: अनलाइन न्युज – ललेन्द्र शाक्य | २०७७ चैत्र ९, सोमबार १९:०८:४०

संगीत ख्यलय् ताः ई न्ह्यःनिसें दिपा मकाःसे मदिक्क लगेजुया च्वंपिं सुशील शाही व अगिना तण्डुकार शाही निम्हतिपुया छपू नेवाः म्ये ‘माया रे रत्न’ व छपू खस नेपाली भाषाया ‘आँखा लाग्यो निरमाया’ म्येया म्युजिक भिडियो थौं छगू ज्याझ्वःया दथुइ पितब्वज्या जुउगु दु । 

नांजाःम्ह संगीतकःमि लोकंह्वाःम्ह म्येहालामि जुजुकाजी रन्जित मूपाहाँ कथं झायादीगु उगु ज्याझ्वलय् पितब्वज्या जुउगु म्येयात कया पत्रकार विजयरत्न असंबरें समालोचनात्मक टिप्पणी यानादीगु खः । 

पिदंगु  नेवाः म्युजिक  भिडियोस अभिनय यानादीपिं कर्मा शाक्य व सलोना बज्राचार्यं नुगःखँ तयादीगु खःसा खस नेपाली म्युजिक भिडियोया कलाकारत पाखें किरण जोशी व सुजना बज्राचार्यं नुगःखँ तयादीगु उगु ज्याझ्वलय् खडगी समाज यलया अरोजकुमार खडगीया नापनापं नरेन शाक्य लगायतं नुगःखँ तयादीगु खः ।

नेवाः म्युजिक भिडियोया निर्देशन, म्येच्वमि व संगीतकार रामकृष्ण खड्गी खःसा क्यामेरामाएन व सम्पादक बालकृष्ण बंशी खः ।

खस नेपाली भाय्या म्येय अगिना तण्डुकार शाही व सुशील शाहीया नापनापं तिर्थ अवाले, हसना महर्जनं अभिनय यानादीगु दु । सुजन बज्राचार्य ख्वपयया निर्देशनय् तयार जुउगु म्येया मोहनकुमार झिल्लु, सम्पादक अनिलकुमार महर्जन , संगीतकार अनिल तुलाधर खः ।

Categorized in कला