nepal investment baink

अक्षरमार्गपाखें ७ स्रष्टापिन्त हन

नेवा: अनलाइन न्युज – ललेन्द्र शाक्य | २०८० माघ १४, आइतबार १२:४३:५३

काभ्रेपलाञ्चोक जिल्लाया पन्तीइ पलिस्था जूगु अक्षरमार्ग स्वला पौपाखें भाषा, साहित्य, कला, संस्कृति ख्यलय् योगदान यानादीपिं न्हयम्ह स्रष्टापिन्त  हंगु दु ।

ने.सं. ११४४ पोहेलागा दुतिया (माघ १३ गते) शनिवाः पन्तीइ छगू ज्याझ्वःया दथुइ उगु हना लःल्हाःगु खः ।

उगु ज्याझ्वलय् साहित्यकार पत्रकार नगदेन्द्रराज शर्मायात अक्षरमार्ग पत्रकारिता हना लःल्हाःगु खःसा बाँकेया साहित्यकार सनत रेग्मीयात श्रीराम अक्षरमार्ग हना लःल्हाःगु खः ।

अथेहे, काभ्रेया कलाकार केके कर्माचार्ययात विष्णुहेम अक्षरमार्ग वरिष्ठ साधक हना लःल्हाःगु खःसा चितवनया म्येच्वमि गायत्री श्रेष्ठयात नरबहादुर अक्षरमार्ग स्रष्टा हना लःल्हाःगु खः ।

थ्वहे झ्वलय् येँया पत्रकार एवं भाषा, संस्कृति अभियन्ता श्रीकृष्ण महर्जनयात कृष्णदास अक्षरमार्ग स्रष्टा हना लःल्हाःगु खः ।

ज्याझ्वलय् भारत दार्जिलिङया कवयित्री सुभद्रा बम्जनयात ध्रुवमिरा अक्षरमार्ग मिजरा स्रष्टा हना लःल्हाःगु खःसा काभ्रेया साहित्यकार डा. गोपाल पौड्यालयात भरतराज अक्षरमार्ग काभ्रेली स्रष्टा हना लःल्हाःगु खः ।

Categorized in कला