ad 2076 5 18

“भारत व पाकिस्तानया युद्ध जुल धाःसा विश्व शक्ति राष्ट्रत जिम्मेवार जुइः ”

नेवा: अनलाइन न्युज – निश्चल | २०७६ श्रावण ३०, बिहिबार ११:४५:२८

पाकिस्तानया प्रधानमन्त्री इमरान खानं यदि विवादित कश्मीरया कारणं भारत व पाकिस्तानया युद्ध जुल धाःसा विश्व शक्ति राष्ट्रत जिम्मेवार जुइगु बिचाः प्वंकादिगु दु ।
वयकलं कश्मीरया हैसियत यात विगतया संयुक्त राष्ट्रसङ्घया प्रस्ताव कार्यान्वयन याकेगुलिं विश्व शक्ति राष्ट्रत विफल जुगु बिचाः नं प्वंकादिगु दु ।

झिन्हू न्हयः भारतीय प्रधानमन्त्री नरेन्द्र मोदीं भारत प्रशासित कश्मीरया विशेष हैसियत खारेज यानाः तःधंगु  रणनीतिक गल्ती याःगु द्वपं नं बियादिगु दु ।

 पाकिस्तानया प्रधानमन्त्री खानं  सचारकर्मित लिसें खँ ल्हासें निक्वःगु विश्वयुद्ध लिपा आः हानं युद्ध मजुइमाः धकाः राष्ट्रसङ्घ थें जाःगु संस्था पलिस्था याःगु धासें आः उकिया परीक्षा  जुइगु ख्याच्वः नं बियादिगु दु ।
वयकलं कश्मीरया जनतायात बियातःगु आत्मनिर्णयया अधिकारयात भारतया प्रधानमन्त्री मोदी लाका काःगु द्वपं ब्यूगु दु ।

Categorized in अन्तर्राष्ट्रिय