ad 2076 5 18

“नेपाली सेनायात बोर्डरय् तयेनु, लँ दयेकेगु ठेक्का मेपिन्त ब्यूसां नं ज्यू” –सांसद भुसाल

नेवा: अनलाइन न्युज | २०७६ भाद्र २५, बुधबार १४:४२:१०

सुरक्षाया नितिं सेना तयेनु, खुल्ला सीमा बन्द यायेनु –पम्फा भुसाल

सत्तारुढ नेपाल कम्युनिष्ट पार्टी (नेकपा)या सांसद पम्फा भुसालं खुल्ला सीमा बन्द यायेमाःगु प्रस्ताव याःगु दु ।

बुधवाःया राज्य व्यवस्था व सुशासन समितिया बैठकय् न्वःवासे. सांसद भुसाल. आः हे भिसाया ब्यवस्था यायेगु अवस्था मजूसां नं सीमा बन्द यानाः आवागमनय् निगरानी तयेमाःगु धाःगु दु ।

सांसद भुसालं धाःगु दु, ‘बोर्डर बन्द यायेमाः, आवागमनय् निगरानी तयेमाः । नाका निश्चित यायेनु । आः हे भिसाया व्यवस्था याये थाकुइफु । सामान्य थःगु म्हसीका पौ क्यनाः वयेवने यायेगुयात सहज दयेकेतु तर खुल्ला बोर्डर बन्द यायेमाः ।’

भारतीय किसानं मखुसे सीमा सुरक्षा बल एसएसबीं दँय् दसं सीमा स्तम्भ सारे यानाः नेपाःपाखे तयेगु यानाच्वंगु धासें सांसद भुसाल. सीमा क्षेत्र लिक्क नेपाली सेनायात तयेमाःगु प्रस्ताव याःगु खः ।

सांसद भुसालं धाःगु दु, “नेपाली सेनायात बोर्डर लिक्क तयेनु, लँ दयेकेगु ठेक्का मेपिन्त ब्यूसां नं ज्यू ।”

नेपाली कांग्रेसया सांसद देवेन्द्रराज कँडेलं धाःसा सीमाय् अपराध अप्वःगु दु धासें सीमा शील यायेगु धकाः निगू देसया सम्बन्ध स्यंकेमज्यूगु धाःगु दु ।

Categorized in राष्ट्रिय