ad 2076 5 18

‘रवि लामिछानेयात हाकनं न्यान्हु थुनाय् ति’ अदालतया आदेश

नेवा: अनलाइन न्युज | २०७६ भाद्र ४, बुधबार ११:४०:०५

जिल्ला अदालत चितवनं टेलिभिजन पत्रकार रवि लामिछाने लिसें स्वम्हेसित थप न्यान्हु हिरासतय् तयेत प्रहरीयात अनुमति ब्यूगु दु ।

पत्रकार शालिकराम पुडासैनीया आत्महत्या प्रकरणय् अनुसन्धान यायेत लामिछाने, युवराज कँडेल व नर्स अस्मिता कार्कीयात थप न्यान्हु हिरासतय् तयेत जिल्ला अदालतं आदेश ब्यूगु खः ।

वंगु वाःया शुक्रवाः गिरफ्तारीइ लाःम्ह रवि लामिछानेलिसें स्वम्हेसित थ्वसिबें न्ह्यः नं अदालतं न्यान्हु थुनाय् तयेत आदेश ब्यूगु खः ।

प्रहरीं अनुसन्धान क्वमचाःगु धासें थप झिन्हु थुनाय् तयेत अदालतय् माग याःगु खः ।

Categorized in राजनीति