telecom 18 kartik 2076

‘मोहनीया इलय् चिकं अभाव जुइमखु’ – आयल निगम

नेवा: अनलाइन न्युज | २०७६ आश्विन १७, शुक्रबार ११:५४:५४

नेपाल आयल निगमं मोहनीया इलय् छुं नं कथंया इन्धनया अभाव मजुइगु स्पष्ट याःगु दु । छुं दिं न्ह्यःनिसें स्वनिगः व देशया मू शहरय् इन्धन खपत अप्वःगु धासें निगमं अभावया आशंकाय् असुरक्षित भण्डारण मयायेत उपभोक्तापिन्त आग्रह तकं याःगु दु ।

निगमया प्रमुख कार्यकारी निर्देशक सुरेन्द्र पौड्यालं निगमं थःपिनिगु फुक्क डिपोय् भण्डारण क्षमता कथं इन्धन भण्डारण याःगु धाःगु दु । मोहनीया इलय् नं पाईपलाईनपाखें पेट्रोलियम ढुवानी नियमित जुइगु जूगुलिं अभाव मजुइगु खँ धाःगु दु ।

बुधवाःनिसें २० हजार किलोलिटर चिकं पाईपलाईनं क्वाहाँ वयाच्वंगु पौडेलं जानकारी ब्यूगु दु । अथेहे, पाईपलाईनया हुनिं विस्थापित थ्यंमथ्यं ३०० ट्यांकरय् नं इन्धन जायेकाः स्ट्याण्डबाई तयेगु याःगु दु । थुकिया लिसें डिपोतय्के इन्धन थ्यंकाः लिहाँ वइगु फुक्क ट्यांकरय् पूर्ण रुपं इन्धन जायेकाः तयेगु निगमं जानकारी ब्यूगु दु ।

सामान्य अवस्थाय् न्हिथं ५०० किलोमिटर पेट्रोल खपत जुइगु स्वनिगलय् बुधवा: ३०० किलोलिटर अप्वः माग वःगु निगमं धाःगु दु ।

अथेहे, निगमं थःगु डिपोतय्त नं माःगु इलय् न्ह्याग्गु नं इलय् ज्याकुथि चायेकेगु कथं व्यवस्था मिलेयायेत पौ छ्वःगु दु ।

थुकिया लिसें निगम. मोहनीया नितिं ब्यागलं टिम नीस्वंगु दु । थ्व टिम मोहनी मन्यायेकूसे देय् न्यंकं निगमया ज्याय् खटेजुइ । इमित स्वन्तिइ बिदा बिइ ।

Categorized in बजाः