telecom 18 kartik 2076

‘महरां झंगः ल्हात, महराया गल्ती नैतिक खः’ –प्रचण्ड

नेवा: अनलाइन न्युज | २०७६ कार्तिक २१, बिहिबार ०९:०४:३६

सत्तारुढ नेपाल कम्युनिष्ट पार्टी (नेकपा)या नायः पुष्पकमल दाहाल प्रचण्डं पूर्वसभामुख कृष्णबहादुर महरापाखें नैतिक कमजोरी जूगु धाःगु दु । लिसें पार्टी नेतापिन्त झंगः ल्हानाः गम्भीर गल्ती याःगु धाःगु दु ।

दाङय् संचारकःमिलिसे खँ ल्हासें प्रचण्डं धाःगु दु, “जिं नारायणकाजी श्रेष्ठ जोखबहादुर महरायात थुइकेत छ्वयां नं झंगः ल्हात । जि थःहे वनाः नं झंगः ल्हात । नेतृत्वयात हे झंगः ल्हानाः गम्भीर गल्ती यात महरा ।”

महराया गल्ती नैतिक जूगु धासें प्रचण्डं थुज्वःगु विषयस मुख्य नेतापिन्त विवाद यायेमज्यूगु धाःगु दु ।

महराया गल्तीबारे अदालतं माःगु न्यायिक निर्णय याइगु नेकपा नायः प्रचण्डया विश्वास दु । महरां कानूनी प्रक्रियाय् ग्वाहालि यायेमाःगु तकं प्रचण्डं धाःगु दु ।

संसद सचिवालयया हे छम्ह कर्मचारीयात बलात्कार कुतः याःगु द्वपनय् गिरफ्तारीइ लाःम्ह पूर्वसभामुख महरा पुर्पक्षया नितिं थुनाय् दु ।

Categorized in राजनीति