telecom 18 kartik 2076

‘दुनियाँयात भारतं युद्ध मखु बुद्ध ब्यूगु दु’ –प्रम मोदी

नेवा: अनलाइन न्युज | २०७६ आश्विन ११, शनिबार ०९:१७:१४

भारतीय प्रधानमन्त्री नरेन्द्र मोदीं भारतं विश्वयात युद्ध मखुसे बुद्ध बियागु धाःगु दु ।

शुक्रवाः संयुक्त राष्ट्रसंघया महासभायात सम्बोधन यासें मोदीं भारतं विश्वयात शान्तिया सन्देश बियागु धाःगु दु ।

महासभायात हिन्दी भासं १७ मिनेट सम्बोधन याःम्ह मोदीं धाःगु दु, “दकले तःधंगु बलिदान यदि गुगु नं देसं ब्यूगु दुसा व भारतं खः । जिपिं व देसया बासिन्दा खः, गुगु देसं विश्वयात युद्ध मखु, बुद्ध ब्यूगु दु, शान्तिया सन्देश ब्यूगु दु । उकिं, जिमिगु सलय् आतंकविरुद्ध विश्वयात सतर्क याकेगु गम्भीरता दु व आक्रोश नं दु ।”

सम्बोधनया झ्वलय् मोदीं आतंकवाद विश्वया नितिं खतरा जूगु धाःगु दु ।

भारतीय प्रधानमन्त्री मोदीं आतंकवाद छुं छगू देसया नितिं जक मजुसे मुक्कं विश्व समुदायया नितिं तःधंगु हाथ्या जूगु धाःगु दु । मोदीं आतंकवादविरुद्ध छप्पं जुइत विश्व समुदाययात अपिल याःगु दु ।

Categorized in अन्तर्राष्ट्रिय