telecom 18 kartik 2076

‘दाइजो’ मब्युगु खँय् भारतय् नेपाःमि मिसाया हत्या

नेवा: अनलाइन न्युज | २०७६ आश्विन २७, सोमबार १२:२५:२२

छम्ह नेपाःमि मिसाया भारतय् हत्या जूगु दु । विराटनगर महानगरपालिका–११ थःछेँ दुम्ह २२ दँया रञ्जना सहनी (बहरदार)या भारतया जोगबनीइ च्वंगु भेडयारीइ हत्या जूगु खः ।

उम्ह मिसाया सीम्ह सीमावर्ती बजाः जोगवनीनिसें ३ किलोमिटर दक्षिण परमान खुसिइ आइतवाः लुयावःगु खः । हत्या धाःसा शुक्रवाः हे जूगु अनुमान याःगु दु ।

सीम्हेसिगु ख्वाः व म्हगःया थीथी ब्वय् घाःपाः जुयाच्वंगुलिं हत्या हे जूगु प्रहरीया ठहर दु । ‘दाइजो’या हुनिं रञ्जना सहनीया हत्या जूगु भारतया जोगवनी प्रहरी चौकीया प्रमुख अफताब अहमदं जानकारी ब्यूगु दु ।

भारतीय प्रहरीं अनुसन्धानया नितिं सीम्ह मिसाया भाःत भारतीय नागरिक जोगवनी भेडयारीया २५ दँया भीम बहरदार सहनी, ससः अबुम्ह सैनी बहरदार, जेठाजु अर्जुन बहरदार व जलाखला शिवानन्द मुखियायात गिरफ्तार याःगु दु । ससःमांम्ह व जेठानी धाःसा फरार जूगु प्रहरीं जानकारी ब्यूगु दु ।

Categorized in दुर्घटना-अपराध