nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

‘टिकटक’या थःगु हे स्मार्टफोन बजारय् वइगु

नेवा: अनलाइन न्युज | २०७६ श्रावण २३, बिहिबार ११:५४:१०

भिडियो शेयरिङ्ग एप ‘टिकटक’या शानदार प्रदर्शन लिपा टिकटक दयेकीगु कम्पनीं स्मार्टफोन बजारय् हइगु जूगु दु ।

वर्तमान अवस्थाय् ५० करोड छ्यलाबुलालिसें दकले अप्वः तीव्र गतिइ छ्यलाबुला याइपिं आकर्षित जुयाच्वंगु टिकटक निर्माण याइगु कम्पनी बाइट डान्सं थःगु हे ब्राण्डया स्मार्टफोन बजारय् हइगु जूगु दु ।

१५ सेकेण्डया भिडियो पोष्ट याइगु टिकटकय् आःतक प्ले स्टोरय् १०० करोडसिबें अप्वः डाउनलोड जुइधुंकूगु दु ।

बाइटडान्सयाके टिकटकया लिसेलिसें मेमेगु छुं भिडियो व समाचारय् आधारित एपतय्गु नं स्वामित्व दयाच्वंगु दु । उकी स्लेक, फ्लिपचार्ट, टोटिओ लिसेंया दु । तर वमध्ये दकले अप्वः लोकप्रिय टिकटक हे जूगु दु ।

होडय् मेमेगु कम्पनीत नं

चीनया आर्थिक पत्रिका केजिङ्गया कथं बाइटडान्सया न्हूगु मोबाइल फोन ७ महिना दुने वयेफु ।

अय्सां एपया बजारय् लोकप्रिय जुइधुंकाः स्मार्टफोन बजारय् तिंन्हूम्ह बाइट डान्स न्हापांगु कम्पनी धाःसा मखु । सन् २०१३ स चीनया सेल्फी एप दयेकूगु कम्पनी मितु नं स्मार्टफोनया दुनियाय् दुहाँ वःगु खः । मितुया फोनयात चिनियाँ सोसल मिडियाय् उत्कृष्ट क्यामरा व तेज अटोफोकसलिसें आर्टिफिसियल इन्टेलिजेन्सया नितिं अतिकं उत्तम क्यामेरा कथं कयातःगु दु ।

चिनियाँ बजारय् आः नं आपालं आपाः स्मार्टफोन कम्पनीत दु व टिकटकवाला कम्पनीया आगमनं चिनियाँ स्मार्टफोन बजारय् गुज्वःगु लिच्वः लाकी ? धैगु अनुमान याये थाकूगु धाःगु दु ।

विद्यमान अवस्थाय् छुं नं न्हूगु कम्पनीया नितिं स्मार्टफोन बजारय् क्वाहाँ वयाः थःगु थाय् दयेकेगु अतिकं थाकूगु पलाः खः । आः एप्पल, सामसुङ्ग व हुवावेथें जाःगु कम्पनीतय्गु स्मार्टफोन बजारय् प्रभुत्व जुयाच्वंगु दु ।

विश्लेषकपिनिगु कथं स्मार्टफोन बजारय् न्हूगु कम्पनीत वइगु इलय् अतिकं चर्चा जुइ । तर छुं ई लिपा धाःसा उगु उत्पादनत बजारं गायब जुइ ।

तःधंगु कम्पनीया दबदबा

फेसबुक, गुगुल व अमेजनथें जाःगु तःतःधंगु कम्पनीतसें नं प्रविधिया दुनियाँय् थःगु पलाः तयेधुंकूगु दु । सोसल मिडिया एप न्ह्याकूगु कम्पनी फेसबुकलिसे आः ह्वाट्स एप व इन्स्टाग्रामथें जाःगु निगू तःधंगु कम्पनीत दु । अय्सां फेसबुकं थःगु एन्ड्रोइड लञ्चर एप हःगु खः । तर व सफल जुइमफुत ।

अथेहे, गुगल कम्पनीं गुगल पिक्सेल स्मार्टफोन हल, गुकी वं सफलता नं काल । तर सोसल नेटवर्किङ सर्भिसय् गुगल प्लसं असफलता बेहोरे यायेमाल ।

अथेहे, अमेजन कम्पनीया ट्याब्लेट व ई–रिडर्सयात ला मनूतसें ययेकल । तर, अमेजनया हे किन्डल फायरयात छ्यलाबुला याइपिन्सं हाकुतिनाः वांछ्वल ।

बीबीसी

Categorized in बजाः