nepal life 2076 3 18

‘जि लज्जित जुइमाल, क्षमा यानादिसँ’ –प्रधामन्त्री ओली

नेवा: अनलाइन न्युज | २०७६ आषाढ २६, बिहिबार १२:०२:५३

प्रधानमन्त्री केपी शर्मा ओलीं विषादी प्रकरणय् थःत झुकेयाःगु धाःगु दु । भारतं वःगु पौ गोप्य तःबलय् थः लज्जित जुइमाःगु अवस्थाय् थ्यंगु धासें प्रम ओलीं थुकिया विषयस खोजबिन जुयाच्वंगु धाःगु दु ।

बिहिवाः येँय् ग्वसाः ग्वःगु छगू ज्याझ्वलय् प्रधानमन्त्री ओलीं भारतं वःगु पौया बारे थःत झुकेयाःगु धाःगु दु । ओलीं धाःगु दु, ‘भारतं पौ वःगु जुयाच्वन, तर जिं वःगु मदु धकाः सार्वजनिक रुपं न्वँवाना । थीथी थासय् कूटनीतिक कुतः जूगु व जितः जानकारी मब्यूगुलिं जि लज्जित जुइमाल । थ्वप्रति जिं जनसमुदाययाके क्षमा फ्वनाच्वना ।’

थःत झुकेयाःगु विषयस सामान्य लापरवाही खः वा सीकसीकं खः धैगु थुइकेगु ज्या जुयाच्वंगु प्रम ओलीं धाःगु दु ।

नेपालीया भुतुलिइ विषादी बुइमज्यु, शुद्ध नसा जुइमाः धैगु सरकारया आज्जु जूगु धासें प्रधानमन्त्री ओलीं सरकारविरुद्ध न्ह्याकूगु मिसन पूवंके मबिइगु धाःगु दु ।

Categorized in राष्ट्रिय