nepal lifef 2076 8 8

‘कोइशन आउट’ याःपिं न्याम्ह प्रहरीया फन्दाय् !

नेवा: अनलाइन न्युज | २०७६ श्रावण २८, मंगलबार १५:००:२९

एमबीएस न्हापांगु दँया तथ्यांक शास्त्र विषयया न्ह्यसःपौ(कोइशन) ‘आउट’ याःपिं न्याम्हेसित सोमवाः प्रहरीं गिरफ्तार याःगु दु ।

जिल्ला प्रहरी ज्याकुथि धनुषाया कथं रामस्वरुप रामसागर बहुमुखी क्याम्पसय् जुयाच्वंगु एमबीएस न्हापांगु दँया तथ्यांक शास्त्र विषयया न्ह्यसःपौया उत्तर तयार यानातmगु पानाया फोटोकपी यानाच्वंगु अवस्थाय् इमित प्रहरीं गिरफ्तार याःगु खः ।

गिरफ्तारीइ लाःपिं धनुषा जिल्ला जनकपुरधाम उपमहानगरपालिका–१२ या २२ दँया लालबाबु मण्डल, वहे वडाया २४ दँया सुजीतकुमार मण्डल व सर्लाही जिल्ला ईश्वरपुर नगरपालिका–७ या २० दाया अविनाश महतो खः ।

इमित लालबाबु मण्डलं संचालन यानातःगु ईमेज स्टुडियोस न्ह्यसःपौया उत्तर तयार यानातःगु पानाया फोटोकपी यानाच्वंगु इलय् जिल्ला प्रहरी ज्याकुथि धनुषां खटेजूपिं विशेष प्रहरी पुचलं गिरफ्तार याःगु खः ।

गिरफ्तार याःपिन्त सार्वजनिक शान्तिविरुद्धया मुद्दा शीर्षकय् म्याद थप यानाः माःगु अनुसन्धान ज्या जुयाच्वंगु धाःगु दु ।

Categorized in दुर्घटना-अपराध