nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

‘केपी ओली नेतृत्वया सरकार कम्युनिष्ट सरकार मखु’ –चित्रबहादुर केसी

नेवा: अनलाइन न्युज | २०७६ श्रावण २६, आइतबार १६:०४:२९

केन्द्र व स्थानीय तहयात बल्लाकाः प्रदेशया संरचना खारेज यायेमाः

राष्ट्रिय जनमोर्चाया नायः चित्रबहादुर केसीं नेकपा नेतृत्वया सरकार कम्युनिष्ट सरकार मजूगु धाःगु दु ।

सरकारय् च्वनाच्वंपिं नेतातय्गुु आनीवानी, आचरण, नीति, सिद्धान्त कम्युनिष्ट व आदर्शलिसे ज्वःमलाःगु नेता केसीं धाःगु दु ।

पार्टी लिक्क लाःगु अखिल नेपाल राष्ट्रिय उद्योग व्यापार संघ रुपन्देशीया निक्वःगु जिल्ला सम्मेलन उलेज्या यासें केसीं सरकारं कम्युनिष्टया नामय् भ्रम ब्वलंकूगु द्वपं ब्यूगु दु । राजमो नाय केसीं धाःगु दु, ‘चुनाव त्याकाः सत्ताय् थ्यंकेगु नितिं जक नेकपां थःपिन्त कम्युनिष्ट धकाः जनतायात भ्रमय् लाकुगु खः । शिक्षा व स्वास्थ्य क्षेत्रय् थःम्हेस्यां हे लगानी यायेगु, नीजिकरण व व्यापारिकरण यायेगु, चुनावय् निष्ठावानयात मजुसे करोडपतिपिन्त टिकट इनेगु पार्टी कम्युनिष्ट जुइला ?’

राजमो नायः केसीं राष्ट्रियता। अखण्डता व सार्वभौमिकता संकटय् लाःगु व सरकार विदेशीया इसाराय् न्ह्यानाच्वंगु धासें देय् बचेयायेत विदेशी शक्ति केन्द्रतलिसे सजग जुइमाःगु खँय् बः ब्यूगु दु ।

सरकार विदेशी शक्ति केन्द्रतलिसे ग्याःगु हुनिं नेपाल आःतक परनिर्भरताय् लानाच्वंगु व व्यापार घाटां अर्थतन्त्रयात क्वतिलातःगु खँ केसीं धाःगु दु ।

नेपालय् दूगु उद्योग कलकारखाना भारतया इसाराय् बन्द याकूगु दाबी यासें नेता केसीं सत्ताया लोभय् सत्तासीनत न्वःवायेत ग्याःगु खँ नं धाःगु दु ।

नेपालं स्वंगू तहया संघीयता कःघाये मफइगु दाबी यासें नेता केसीं केन्द्र व स्थानीय तहयात बल्लाकाः प्रदेशया संरचना खारेज यायेमाःगु खँ नं धाःगु दु ।

Categorized in राजनीति