telecom 18 kartik 2076

‘कालापानी–लिपुलेक झीगु खः’

नेवा: अनलाइन न्युज | २०७६ कार्तिक २२, शुक्रबार १५:१५:३६

भारतीय दूतावास न्ह्यःने सत्तारुढ विद्यार्थीया नारा– लिपुलेक कालापानी झीगु खः ...

भारतं नेपाली भूभाग मिचेयाःगु विरोधय् विद्यार्थीपिन्सं येँय् च्वंगु भारतीय दूतावास केन्द्रीत विरोध प्रदर्शन याःगु दु ।

शुक्रवाः सत्तारुढ नेकपा सम्बद्ध विद्यार्थी संगठन अनेरास्ववियुं नं लैनचौरय् च्वंगु भारतीय दूतावास न्ह्यःने विरोध प्रदर्शन याःगु खः ।

शुक्रवाः हे नेविसंघलिसेंया विद्यार्थीपिन्सं नं लैनचौरय् हे प्रदर्शन याःगु खः । संयुक्त विद्यार्थी आन्दोलनया ब्यानरपाखें याःगु प्रदर्शनय् सहभागीपिन्सं भारतया विवादित नक्सा च्याकूगु खः । शुक्रवाः हे सुथय् नेविसंघं पशुपति क्याम्पसनिसें चाःबही चोकतक विरोध प्रदर्शन याःगु खः ।

उकिया छुं ई लिपा वहे थासय् अनेरास्ववियुया विद्यार्थीपिं भेला जुयाः विरोध प्रदर्शन याःगु खः । इमिसं ‘लिपुलेक झीगु खः, कालापानी झीगु खः’ च्वयातःगु प्लेकार्डलिसें नाराबाजी याःगु दु । अस्कल क्याम्पसं न्ह्याःगु विरोध प्रदर्शन भारतीय दूतावास ज्याकुथि न्ह्यःने वयाः कोणसभाय् परिणत जूगु खः ।

थ्वसिबें न्ह्यः अनेरास्ववियु नं भृकुटीमण्डपय् ‘गो ब्याक इण्डिया’या नारालिसें प्रदर्शन याःगु खः ।

भरतं आः नकतिनि जक सार्वजनिक याःगु नक्साय् भारतलिसे सीमा स्वानाच्वंगु नेपाली भूमि लिपुलेक भारतीय क्षेत्र दुने खनेदये धुंकाः नेपाःन्यंकं भारतविरुद्ध प्रदर्शन जुयाः वयाच्वंगु दु ।

नेपाल सरकार व राजनीतिक दलया नेतातसपें तकं लिपुलेक नेपाःया भूमि धासें भारतया विवादित नक्सा सचेयायेत माग यानाः वयाच्वंगु दु । तर, भारतं धाःसा थःगु नक्सा सही जूगु दाबी यानाः वयाच्वंगु दु ।

भारतं आः नकतिनि जक सार्वजनिक जूगु नक्साय् भारतलिसे सीमा स्वानाच्वंगु नेपाली भूमि लिपुलेक भारतीय क्षेत्रदुने खनेदु ।

नेपाःया भौगोलिक अखण्डता व सार्वभौमसत्ताय् हस्तक्षेप याःगु धासें छुं न्ह्यः थुखे नेपाःन्यंकं भारतया विरोध जुयाः वयाच्वंगु दु । नेपाल सरकार व राजनीतिक दलया नेतातसें तकं लिपुलेक नेपाःया हे भूमि धासें भारतया विवादित नक्सा सचेयायेत माग यानाः वयाच्वंगु दु । तर, भारतं धाःसा थःगु नक्सा सही जूगु दाबी यानाः वयाच्वंगु दु ।

लैनचौरय् च्वंगु भारतीय दूतावास लिक्क विरोध प्रदर्शन जुइधुंकाः सुरक्षाकःमिया तैनाथी अप्वयेकूगु खः ।

Categorized in राष्ट्रिय