nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

‘कश्मिरी जनताया पीडाया ताःहाकःगु चा अन्त्य यायेगु ई थ्वहे खः’ –इमरान खान

नेवा: अनलाइन न्युज | २०७६ श्रावण २०, सोमबार १४:४२:४६

अमेरिकी मध्यस्थता र राष्ट्रसंघीय हस्तक्षेपया पक्षय् पाकिस्तान, भारतं तप्वंक हे अस्वीकार

कश्मिरी मुद्दायात कयाः भारतया जनमत विभाजित जुयाच्वंगु इलय् पाकिस्तानी प्रधानमन्त्री इमरान खानं कश्मिरय् न्हूगु संकट ब्वलनीगु ख्याच्वः ब्यूगु दु । खानं जम्मु कश्मिरयात भारतया अत्याचारपाखें मुक्त यायेगु पायछिगु ई वःगु टिप्पणी तकं याःगु दु ।

सीमा क्षेत्रय् तनाव जुयाच्वंगु इलय् सरकार व सेनाया मंकाः बैठक तःम्ह इमरानं वधुंकाः मद्दिक्क स्वंगू ट्वीट यानाः कश्मिर मामिलाय् अमेरिकी मध्यस्थता आवश्यक जूगु तकं धाःगु दु । खानं संयुक्त राष्ट्रसंघीय सुरक्षा परिषदया तकं ध्यानाकर्षण याकूगु दु ।

पाकिस्तानी प्रधानमन्त्री खानं भारतयात नियन्त्रण रेखा पार यानाः निहत्था नागरिकपिन्त आक्रमण याःगु द्वपं ब्यूगु दु । खानं भारतया उगु हर्कत मद्यूसा कश्मिरय् न्हूगु संकट ब्वलनीगु ख्याच्वः ब्यूगु दु ।

इमरान खानं धाःगु दु, ‘भारतं नियन्त्रण रेखा पार यानाः निर्दोष नागरिकपिन्त हमला यासें प्रतिबन्धित क्लष्टर बमया छ्यलाबुला याःगुलि जिं विरोध यानाच्वना । थ्व मानवीय कानून व भारत थःम्हेस्यां पारम्पारिक ल्वाभः सम्बन्धय् याःगु प्रतिबद्धता उल्लंघन खः । संयुक्त राष्ट्रसंघीय सुरक्षा परिषदं थ्व घटनायात अन्तर्राष्ट्रिय शान्ति व सुरक्षाया नितिं खतराया रुपं कायेमाः ।’

कश्मिर विवादया हुनिं ७० दँनिसें तनावग्रस्त जुयाच्वंगु भारत–पाकिस्तान सम्बन्ध लिपांगु घटनाक्रमं थप तनावग्रस्त यानाब्यूगु दु । राष्ट्रसंघीय वार्षिक महासभाया पूर्वसन्ध्याय् पाकिस्तानी प्रधानमन्त्रीं आः जम्मु कश्मिरयात स्वतन्त्र यायेगु ई वःगु टिप्पणी याःगु दु ।

इमरानं धाःगु दु, ‘भारतया कब्जाय् दूगु कश्मिरय् च्वनाच्वंपिं जनताया पीडाया ताःहाकःगु चाः आः खत्तम यायेगु ई वःगु दु । संयुक्त राष्ट्र सुरक्षा परिषदया सम्झौता कथं थःगु भाग्य थःम्हेस्यां हे ल्ययेगु अधिकार इमित बिइमाः ।’

कश्मिरया शान्तिपूर्ण व न्यायपूर्ण समाधानपाखें जक दक्षिण एसियाय् शान्ति व सुरक्षाया लँपु चालीगु तकं खानं धाःगु दु । खानं अमेरिकी राष्ट्रपति डोनाल्ड ट्रम्पं कश्मिर मुद्दाय् मध्यस्थता यायेगु नितिं ब्यूगु प्रस्तावया प्रसंग स्वानाः आः व ई वःगु धाःगु दु ।

अमेरिकी मध्यस्थता भारतं तप्वंक हे अस्वीकार यायेधुंकूगु दु । तर इमरानं धाःसा आः कश्मिर मामिलाय् अन्तर्राष्ट्रिय हस्तक्षेप मजूसा क्षेत्रीय संकट ब्वलनीगु ख्याच्वः ब्यूगु दु ।

Categorized in अन्तर्राष्ट्रिय