chetrapa55

‘इजरायलयात सिधयेकेगु जुइ’ –इरानया सर्वोच्च नेता खमेनी

नेवा: अनलाइन न्युज | २०७६ मङ्सिर १, आइतबार ०९:४६:१६

इरानया सर्वोच्च नेता अयतोल्लाह खमेनीं इजरायलयात सिधयेकेगु ख्याच्वः ब्यूगु दु ।

तेहरानय् ग्वसाः ग्वःगु छगू इस्लामिक कन्फ्रेन्सय् खमेनीं उगु खँ धाःगु खः । वं इजरायलया बर्बादी यहुदीपिनिगु बर्बादी मजूगु नं धाःगु दु ।

नेता खमेनीं धाःगु दु, “छगू देसया रुपं इजरायलयात नष्ट यायेगु धैगु यहुदीपिन्त नष्ट यायेगु मखु । थुकिया मतलब थ्व खः कि पयालेष्टाइनी, चाहे व मुसलमान जुइमाः, ईसाई या यहुदी जुइमा, इमिसं थःगु सरकार ल्ययेमाः ।”

सन् १९७९ स इरानया क्रान्तिलिपा कट्टरपन्थीपिं सत्ताय् वःगु खः । वहे इलंनिसें हे इरानी नेतापिन्सं इजरायलयात सिधयेकेगु खँ ल्हानाः वयाच्वंगु खः । इरान. इजरायलया अस्तित्व स्वीकार याइमखु । इजरायलं मुसलमानपिनिगु जमिनय् अवैधरुपं कब्जा याmगु द्वप. इरानं बियाः वयाच्वंगु दु ।

मेखे, इजरायलं नं इरानयात खतराया रुपं कयाच्वंगु दु । वं सदां इरानयाके परमाणु ल्वाभः दयेमज्यूगु धयाः वयाच्वंगु दु । मध्यपूर्वय् इरानया अप्वःगु लिच्वःपाखें इजरायलया नेतापिनिगु च्यूताः अप्वयाः वयाच्वंगु दु ।

सन् ९७९ स इस्लामिक क्रान्तिलिपा इरानं इजरायलयात मान्यता बिइत अस्वीकार याःगु खः व इजरायलं प्यालेष्टाइनी चरमपन्थििपन्त समर्थन याइ । इजरायलं ताःई निसें धयाः वयाच्वंगु दु कि, इरानं प्यालेष्टाइनी चरमपन्थयिात नष्ट याये चाहेजू छाय् धाःसा वयात मध्यपूर्वया थःपिनिगु मू शत्रु कथं कयाच्वंगु दु ।

इरानया सर्वोच्च नेता खमेनीं अमेरिकालिसें पश्चिमा राष्ट्रतसें इजरायलया परमाणु ज्याझ्वःयात पनेत्यंगु धासें आलोचना नं यात ।

वं धाःगु दु, “असैन्य परमाणु ऊर्जा फुक्क देशयात आवश्यक जू तर, पश्चिमा देशतसें थुकी एकाधिकार चाहेजू । पश्चिमी जनतातसें थःपिन्त परमाणु ल्वाभः म्वाः धाई छाय् धाःसा जिमिगु धार्मिक सिद्धान्त. न. थुकियात अनुमति बिइमखु ।”

अमेरिकां इरानं बम दयेकेगु नितिं आपालं दँनिसें ज्या यानाच्वंगु द्वपं बियाः वयाच्वंगु दु । उकिं अमेरिकां इरानय् आपालं कथंया प्रतिबन्धत तःगु दु ।

Categorized in अन्तर्राष्ट्रिय