nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

‘आरक्षण बचाऊ’ आन्दोलनया १९ म्ह सिंहदरबारं गिरफ्तार

नेवा: अनलाइन न्युज | २०७६ श्रावण २६, आइतबार १५:२८:२३

सिंहदरबार घेराऊ यायेत धासें येँया भद्रकालीइ मूपिं आरक्षण बचाऊ आन्दोलनया सहभागी १४ म्हेसित प्रहरीं गिरफ्तार याःगु दु ।

लोकसेवा आयोगं स्थानीइ तहलय् पदपूर्तिया नितिं याःगु विज्ञापन खारेजीया माग तसें आन्दोलन यानाच्वंगु आरक्षण बचाऊ आन्दोलनं आइतवाः सिंहदरबार घेराऊया ज्याझ्वः तयातःगु खः ।

भद्रकालीं सिंहदरबारपाखे न्ह्यःने वनेगु झ्वलय् आन्दोलनय् सहभागी नेपाल आदिवासी जनजाति महासंघया न्वकू गोविन्द छन्त्याल, नेता कुमार लिङ्देन, दलमर्दन कामीलिसें १४ म्हेसित गिरफ्तार याःगु खः । इमित भृकुटीमण्डपय् च्वंगु नेपाल पुलिस क्लबय् तयातःगु दु ।

प्रहरीं नियन्त्रणय् कायेधुंकाः प्रदर्शनकारीपिन्सं तच्वकं नाराबाजी यासें संघीइ मामिला व सामान्य प्रशासनमन्त्री लालबाबु पण्डितया राजीनामा तकं माग याःगु खः ।

गिरफ्तारीइ लाःपिं त्वःतेत धासें नारा जुलुस याःपिं थप न्याम्हेसित नं प्रहरीं प्रदर्शनी मार्गं गिरफ्तार याःगु दु । गिरफ्तारीइ लाःपिं १९ म्हेसित नेपाल पुलिस क्लबय् तयातःगु दु ।

आदिवासी जनजाति, महिला, दलित व ल्यूनेलाःगु समुदायं लोकसेवा आयोगं सरकारया सिफारिसय् चायेकूगु स्थानीय तहया विज्ञापन समावेशी व समानुपातिक मजूगु धासें विरोध प्रदर्शनया ज्यायात निरन्तरता बियाच्वंगु दु । इमिसं उगु विज्ञापन खारेज मजूतले थःपिन्सं आन्दोलनयात निरन्तर बियाः वनेगु ख्याच्वः नं ब्यूगु सरकारयात ब्यूगु दु ।

Categorized in राजनीति