nepal investment baink

५.९ रेक्टरस्केलया भुखाय् ब्वल न्युजिल्याण्डय्

नेवा: अनलाइन न्युज | २०७६ मङ्सिर ८, आइतबार १७:०९:५६

न्युजिल्याण्डय् थौं आइतवाः सुथय् ५.९ रेक्टरस्केलया भुखाय् ब्वःगु दु । देसया उत्तरी क्षेत्रय् ब्वःगु भुखाय् लिपा द्वलंद्वः मनूत विस्थापित जूगु दु । स्थानीय अधिकारीपिन्सं ब्यूगु जानकारी कथं भुखाय् लिपा आइतवाः न्हिनय् तक न्याद्वःसिबें अप्वः मनूत विस्थापित जूगु दु ।

भुखाचं यानाः गुलि ग्वःम्ह मनूत सित व मेमेगु छु गुलि क्षति जुल धैगु विवरण मवःनिगु अधिकारीपिन्सं जानकारी ब्यूगु खः ।

स्थानीय ईकथं आइतवाः सुथय् ५ः३४ ता ईपाखे भुखाय् ब्वःगु खः । भुखाचं लिच्वः लाःगु क्षेत्रय् खोजी व उद्धार ज्या जुयाच्वंगु धाःगु दु ।

सुरुइ ५.३ रेक्टरस्केल व वधुंकाः दकले तःधंगु ५.९ रेक्टरस्केलया भुखाय् ब्वःगु अधिकारीपिन्सं धाःगु दु । उगु भुखाय् समुन्द्रया ११५ किलोमिटर क्वय् केन्द्रविन्दु जुयाः ब्वःगु जानकारी ब्यूगु दु ।

Categorized in अन्तर्राष्ट्रिय