ad 2076 5 18

२१ वडाय् बाकुननी पुचलं एसईई पास जूपिन्त सम्मान

नेवा: अनलाइन न्युज | २०७६ भाद्र ८, आइतबार १४:४३:२०

येँ महानगरपालिका २१ वडाया बाकुननी पुचःपाखें ९ क्वःगु वडाब्यापी एसईई सम्मान ज्याझ्वः झःझः धायेक क्वचायेकूगु दु ।

उगु ज्याझ्वलय् मुपाहाँ कथं संघीय सभासद कृष्णगोपाल श्रेष्ठ झायादीगु खः ।

अथेहे विशेष पाहाँ कथं ३ नम्बर प्रदेशया सांसद अजयक्रान्ति शाक्य, येँ महानगरपालिकाया मेयर विद्यासुन्दर शाक्य उपस्थित जुयादीगु खः ।

ज्याझ्वलय् २१ व्डाया ५६ म्ह एसईई परीक्षा उत्तीर्ण जूपिं विद्यार्थीपिन्त सम्मान याःगु खःसा सम्मानया झ्वलय् मूपाहाँ संघीय सांसद कृष्णगोपाल श्रेष्ठं दसिपौ लःल्हानादीगु खःसा येँया मेयर विद्यासुन्दर शाक्यं खाडा क्वखायेकादीगु खःसा मेडल ३ नम्बर प्रदेश सांसद अजयक्रान्ति शाक्यं क्वखायेकादीगु खः ।

५६ म्ह विद्यार्थीमध्ये गोलाप्रथां ९ म्हे विद्यार्थीपिन्त विशेष सिरपाः लःल्हाःगु खः ।

शनिवाः जूगु उगु ज्याझ्वलय् येँया मेयर शाक्यं शिक्षाया महत्वया विषयस नुगःखँ तयादीगु खः ।

एसईई परीक्षा उत्तीर्ण विद्यार्थीपिन्त ध्वाथुकइेगु आज्जुं सरकारी शिक्षा पद्धतिया विषयस जानकारी बिसें छु जागिरया नितिं गुलि शिक्षा आवश्यक जुइमाः धैगु खँय् जानकारी ब्यूगु खः ।

ज्याझ्वलय् ग्वसाः खलः बाकुनी पुचःया नायः गौतम प्रधानं लसकुस यानादीगु खःसा पुचःया छ्याञ्जे रविन महर्जनं पुचःया प्रगति विवरण सार्वजनिक यानादीगु खः ।

अथेहे, पुचःया न्वकू कविन्द्र महर्जनं एसईई परीक्षा पास जूपिं विद्यार्थीपिन्त लिसें उपस्थित सकलसित सुभाय् देछानादीगु खः ।

–विजय सिंह

Categorized in स्थानिय-समाज